Догъисту – еки эз суьфдеигьо э СКФО эсер веровундеи «пушолуье» проектгьоре. Э товун эну э бирмундеи эн хуьшде э корие гуьрдлеме «Гоф сохдеи э губернаторевоз: «Рэхь э Кавказ» э ёр овурди Сергей Меликов.
Бирмунденим, э Догъисту веровунде оморе шеш «пушолуье» проектгьо э промышленни, агропромышленни гуьрдномегьо, сафари, транспортни-бэхшсохдеие десде ве энергетике.
ЖэгIмие гъимет эн угьо гуьнжуьнде омборте 584 млрд монет, пушоки дире дануьсдеи э гуьнжо овурдеи экуьнди 20 гьозор корие жигегьоре. Эз дэгъдэгъэи э кор венгесдеи э проектгьо уже э хуьшде вогосунде омори омборте 128 млрд монет пуледореигьо.
«Пуледореие минкини республике лап омбори. Э еки энжэгъ сафарие иловле минкинигьо лап омбори: гье у дерьёгьие форигъэти, ве догъие сафари, ве параменди жире-бе-жирее сафарие рэхьгьоре ве жирегьо форигъэтире. Унегуьре бинелуье везифе эн иму – гъэрор норе четиние пуьрсуьшгьоре ве э гуьнжо овурде гене хубтее иловлегьоре эри э хуьшде вогосундеи пуледореигьоре»,- риз кешири Сергей Меликов.
Сервор Догъисту ихдилот сохди э товун пуледореие минкинигьо республике, везифелуье минкинигьо ве бинелуье рэхьгьо песдеине парамендире.
Бинелуьи эз бирмундеи Сергее Меликове:
Догъисту меслэхьэти доре пуледорегоргьоре фирегьие минкинигьо эри веровундеи тозе проектгьоре.
Бинелуьи э гье у рэхь – гьемметарафлуье параменди е гъэдер мескене шегьерие жигегьоре;
Зиёд сохдеие имидгьо э агропромышленни гуьрдноме; параменди тозе сохде энергетикаере; параменди рэхьие сэхьиблугъире ве экуьнди рэхьие инфраструктуре.
Кумекии дореи пуледорегоргьоре э региональни ве федеральни жире, дешенде вожиблуье гъэрорномегьо пуьрсуьшгьоре, комкигьо бесде оморе э хориие гъэножогъиревоз; нореи сэрхьэдгьо муьлкгьоре, бэхшсохдеи угьоре ве экономически минкинире.
Веровунде оморе программе зевер биреи имидлуьире энергетически гуьрдномере. Гьеммишеине ве имидие кор инфраструктуре фегьм сохде оморе чуьтам ёгъинлуье игърол эри везифе нореи пуледореие проектгьоре ве гъоимгъувотлуье параменди экономикере.
Веровунде оморе дуьруьжде инфраструктурни объектгьо: гIовебердеи «Чиркей-Махачкале-Каспийск», проекте эсер тозеден э хуьшде дировундеи системере гIовеведебердеире Махачкале ве Каспийске.
Рэхьие ирфраструктуре: вегуьрде омори гъэрорноме Главгосэкспертизе э вокурдеи гъирогъгешдеие рэхье федеральни гъэдуьре э иловле Махачкале, вокурде оморе гъирогъгешдеи Дербенде ве Хасавюрте.
