Сервор Догъисту Сергей Меликов гировунди вохурдеи э бэхшвегиргьоревоз серворие прграмме «Вэхд игидгьо» – Игидевоз Уруссиете Энвере Набиеве ве кавалеревоз се бэхшгьо Мердиети Магомеде Велиханове.

Пуьруьш сохде омори пуьрсуьшгьо ватанхогьие несигIэтдори, параменди довгIоие-хундение бингьо ве гуьрдноме келетегьо гъовхоие корисохигьо э коргьо хьуькуьмрэхьберие ве социальни иловле.

Жейле, гъусо рафде э товун параменди ДовгIоие-хундение бине э сер ДГТУ, комики э и сал везифе нори гирошде эки хьозуьрлугъи офицерски одомигьо. Гуфдире омори э товун восдореи гьеймогьоине тренажергьо ве оборудовани эри довгIоие-ватанхогьие бине «Гъэлхэндчи»э дигь Эндирей, эже везифе норе фирегь лов сохде палаточни шегьере.

Гьемчуьн пуьруьш сохде омори жирей корисохи бэхшвегиргьо программе э идорегьо веровундение хьуькуьме, э у гъэдер э бедел хундеи дануьсдеи жирей корисохире э гуьнжо овурдеи бюджете, беделгьоре э гуьнжо овурдеи реабилитационни бинере эри лешгерчигьо.

Сергей Меликов нори ёгъинлуье везифегьо эсер гьисдигьо гъосуьтгьо ве гуфдири боворини э гереклуьи синогъире игидгьоре.

Бирмунденим, вохурдеи э бэхшвегиргьоревоз программере сервор республике гировунде гьеммише ве гьисди э угьоревоз э гьеммишеине еклуьги.

Э ёр овурденим, программе «Вэхд игидгьо» веровунде оморе эсер гъэдэгъэи серворе Уруссиете Владимире Путине Гьуьндуьре школеревоз хьуькуьмлуье рэхьберисохи Серворие акадкмие э бине Усдохоне рэхьберисохи «Сенеж». Э Дргъисту э кор венгесде омори ижире проект, комики вегуьрди нум «Вегири догъгьо».