Омборте 98% лшгергъэрхундлуье зигьисдегоргьо республике те арт э имбурузине руз лешгерие хьисобсохиревоз. Э товун эну э гуьрдлеме Республикански оголзереие комиссие ихдилот сохди сервор Догъисту Сергей Меликов.
У риз кешири, чуьки, не денишире э гьуьндуьре бирмунушигьо, коргьо э гье у рэхьгьо гIэмел миёв хубте сохдеи. Серворгьоре муниципальни соводигьо ве лешгерие комиссаргьоре дуь э екиревоз э ихдиёригъэреулие идорегьо гъэдэгъэ зере омори э гуьнжо овурде дануьсдеи жигегьоре гьисдигьо одомигьоре, комикигьо гуьнжуьсде оголзереире, гьемчуьн гъувоте зиёд сохде хэберлуье коре э жигегьо.
Сергей Меликов э ёр овурди, чуьки эки 25-муьн марте биё бу бегьем сохдеи нореи э хьисобсохи одомигьоре 2009-муьн сале руз хъэсуьл омореи ве лешгергъэрхундлуьгьоре келетее гIумуьрлугъи.Оммо эз апрель те июль э Догъисту гировунде оморе оголзереи э гъуллугъсохи одомигьоре 1996 – 2008 салгьо хьэсуьл омореи ве вихдеи бэхшвегиргьо эри дарафдеи э вузыгьо Минобороны РФ.
Жирелуье тигъэти рэхьбер республике дори пуьрсуьше лешгерие-ватанхогьие несигIэтдорире. Сергей Меликов нуме гирди уре еки эз бинелуье войне дореи лешгерие секонеисуьзире вилеете э иловле, кейки дегишигьо варасиреире инжимиш сохде гьемме жэгIмете э согъэвоз.
Бегьем те эхир э товун коре оголзереие комиссие гуфдири лешгерие комиссар республике Абдурахман Мурадханов. У бирмунди, чуьки э республике зиёд сохдеи везифелуье мэгIлуьм сохдеи одомигьоре, комикигьо гуьнжуьсде эки оголзереи. МэгIлуьметире дегиш сохде э электронни жире ве бирмунде э кабинетгьо эн хуьшде одомигьо э Нуботноме лешгерие хьисобсохи.
Э артигьо пуьруьшсохи лешгерие комиссаргьоре муниципалитетгьоре гъэдэгъэ зери зиёд сохде мэгIлуьмети одомигьоре, э у гъэдер э кор венгесдеиревоз тегьер еклуье нуботномере лешгерие хьисобсохире.
Министерствере соводире ве гIилме Догъистуре кумекие тэгIрифноме доре корикумекии э вэхьзи ве бэхш сохде гъэрхундигьоре эсер вихдеи биёвгьо хундегоргьоре э гIэрей хундеие идорегьо.
Э гуьрдлеме гьемчуьн пуьруьш сохди хьозуьрлугъи жовонгьоре эки лешгерие гъуллугъсохи, е гъэдер расире гъосуьте зуте хьозур сохдеие вихдеие биёвгьо хундегоргьоре лешгерие вузгьоре ве екейгегьо рэхьгьо коре комиссие.
