Э администрацие эн Дербентски район гировунде оморебу гьероринее аппаратни гуьрдлеме, комиреки гировундебу Сервор район Эльман Аллахвердиев.

Э гуьрдлеме Сервор эн муниципалитет гуш дошди артгьой эн жигегиргьой серворе, назари сохденуьтгьо жире-бе-жирее тараыфгьоре. Жейлее тигъэт доре оморебу веровундеи протокольни гъуллугъигьоре, доре оморигьо э пушотеине аппаратни гуьрдлеме.

Э пуьруьшсохи гьово гуьрде оморебу вожиблуье пуьрсутшгьо, фегьм сохде оморебу пуьрсуьшгьо, расиренигьо э налогови ве налогсуьзе диремореигьо э бюджет эн район, пуьруьш сохде оморебу хьозуьрлуьгъи эн Оргкомитет эки э пушо деригьо мигIид 81-сали Бесгъуни э Буьзуьрге довгIой Ватани, хьозуьрлуьгъи ве э гуьнжо овурдеи лешгерие-ватанхогье возире «Зарница-2.0». Гьемчуьн гьово гуьрде оморебу пуьрсуьш э товун овхьолет эн энергорасундеи э район, меселен, э товун куьшдеи товуше э рузгьой форигъэти, ологълуь гьисдигьо э дегишбиреи гьовой рузгоревоз.

Э эхир гуьрдлеме Сервор район жигегиргьой ве рэхьбергьой эн админимстрациере дори е жерге тозе, егъинлуье гъуллугъгьо. Э товун гьер гъуллугъ норе омори егъинлуье вэхдгьой веровундеи.