Сергей Меликов гировунди гуьрдлемей эн Республикански э лешгер оголзеренигьо комиссиере. Э гуьрдлеме фегьм сохде оморебу пуьрсуьш эн серсуьфдеинее э лешгерие хьисоб венореи одомигьоре, барасигьой кор эн э лешгер оголзеренигьо комиссие эн муниципальни соводигьоре э январь эни сал.
Сервор регион э ер овурди, ки эз сер эн 2026-муьн сал э лешгер оголзеренигьо комиссие кор сохденуьт согъ сал, оммо э лешгер огол зере оморигьо одомигьо э лешгер фуьрсоре миев эз 1-муьн апрель те 15-муьн июль ве эз 1-муьн октябрь те 31-муьн декабрь.
Кор э товун венореи э лешгерие хьисоб мие гировунде биев эз вэхд зуте. Эзи межбур бирени бараси эн гьемме песдеине э лешгер оголзеренигьо компаниегьо. Э лешгерие хьисоб гереки веноре согъ сал», — руй бири Сергей Меликов эки лешгерие комиссаргьо ве эки серворгьой эн муниципальни соводигьо.
Гуфдире оморебу, ки идорегьо э 17 сале расиретгьо одромигьоре, кор сохденуьтгьо енебуге хунденуьтгьо мие минкин дуьт э вэхди ю оморе э повесткей эн лешгерие идореревоз эри поисде э лешгерие хьисоб.
Комиссие эз тараф хуьшде гировунденуьт медицински фегьмсохи гIэмеллуьи одомигьоре эки лешгерие гъуллугъи э жунсогъи гуьре. Гьемчуьн комиссие гъобул сохденуьт гъэрорноме э товун венореи одомигьоре э лешгерие хьисоб.
Э товун серсуьфдеинее венореи одомигьоре э лешгерие хьисоб ве э товун кор эн э лешгер оголзеренигьо комиссие эн муниципальни соводигьоре ихдилот сохди веровундегор гъэрхундигьой эн лешгерие комиссар республикере Гусен Омаргаджиев. У гуфдири, ки э гьемме муниципальни районгьо ве шегьерлуье округгьо комиссие э товун венореи э лешгерие хьисоб сер гуьрди коре. И кор гировунде оморени гьееки э органгьой эн жигенлуье хуьшден рэхьберисохиревоз ве расирени э 2009-муьн сал хьэсуьл оморигьо одомигьо, комигьоки не веруьт э хьисоб, оммо мие веноре биев э лешгерие хьисоб.
Э имбурузине руз э лешгерие хьисоб веноре омори 12 гьозор одоми. Кор гировунде оморени э план гуьре ве бегьем сохде миев те эхир март.
Гье евэхди гировунде оморени коргьо э товун вихдеи э ВУЗы МО РФ.
Сер гуьрде омори кор оголзереи э лешгерие гъуллугъи э 2026-муьн сал одомигьоре, хьэсуьл оморетгьо 1996-муьн-2008-муьн салгьо, комигьоки веруьт э лешгерие хьисоб. Э и хьисоб э одомигьо мэгIлуьм сохде оморени.
Эри расунде гъоимлуь венореи э лешгерие хьисоб ве оголзереи одомигьоре э гъуллугъи лешгер, гьемчуьн гуфдире оморебу ки э и куьнде вэгIэдо гереки э гуьнжо овурде инструкторски-методически вохурдеигьоре э гьемме жугьобдорлуь гьисдуьтгьоревоз эри эни кор, согъ сал гировунде мэгIлуьмсохие-вэхьзие коргьоре э гIэрей жовонгьо, э суьфдеи нубот, э хунденигьо идорегьо, гьемчуьн фуьрсоре оморигьо эри мерэгълуь сохдеи жовоне одомигьоре эки дарафдеи э лешгерие зеверие соводие идорегьо.
Жейлее гъуллугъгьо доре оморебу э товун э гуьнжо овурдеи лешгерие-ватанхогье хьозуьрлуьгъире ве несигIэтдореи гIэилгьоре ве жовонгьоре.
Э гуьрдлеме пуьруш сохде оморебу ве пуьрсуьш вихдеи одомигьоре э гъуллугъсохи э игъролноме гуьре. Сергей Меликов гъуллугъ дори серворгьой муниципалитетгьоре ве эн дигьгьоре, корсохгьой эн лешгерие комиссариатгьоре, жигегьой вихдеире, органгьой веровунденигьо хьуькуьм республикере зиед сохде коргьоре э и тараф.
