Ёровурдеи гlэилире, корисохи э СМИ, дошдеи культури миросире ве рол э муьхькем сохдеи гlэреймиллетлуье разилуьире. Э товун гье и ве э товун омборе бешгъэ иму меслэхьэт сохдейм э Александр Рабаевоз, тележурналистевоз, редактор гозит «Ватан» ве магистрант, хундеи вегир жугьурире.
— Александр Хаимович, келе согъ бошит э минкини дореи гоф сохде э ишмуревоз. Биёйт сергуьрим эз гlэили ишму. Ишму хьэсуьл оморейт э Дербенд, ихдилот сохит, чуьтами бу гlэили ишму э и шегьер?
— Согъ бошит э оголзереи мере. Эри, ме хьэсуьл оморем ве келе бирем э Дербенд. И шегьер жирелуьи торихевоз ве культурей хуьшдеревоз. Гlэили ме гирошди э гъэд одомигьо жире-бе-жирее милеетгьо ве культурегьо, чуь гьелбетте кор сохди э гlуьлом вердиш биреи эн ме. Бешгъэ герми э ёр оморени школеи салгьо.
— Ишму варасунде бегьем сохдейт факультет экономике э институт Юждаг э Дербенд ве песде сергуьрдейт корисохи э телевидение. Ихдилот сохит э товун синогъи хуьшде э корисохи телебердегор.
Корисохи ме сергуьрди э телеканал «Радиоэлемент». Гье у бу вожиблуье е гъэдер вэгlэдо э сенигlэткорлуье рэхь эн ме, коминики бэхшири мере келе синогъи ве боворини э гъувот хуьшде. Э кор сохдеи э унжо, ме шинох бирем э мэнфигlэтлуье одомигьоревоз ве товуши дорем мэгlэнолуье гъозиегьоре.
— Эзуновлейге ишму гирошдейт э корисохи э гозит «Ватан». Чуьтами дерсгьо ишму вегуьрдейт эз и кор, жейле э хьисоб дешендеи бешгъэлуьи дофусзереире?
— Кор э гозит «Ватан» кумеки дори мере лугъондлуь варасире гереклуьигьо ве менфигlэтгьо жугьури жэгlмиет дин-догlоти Догъистуре.
Корисохи жиге жугьобдорлуье секретарь хуте сохди мере хуб э гуьнжо овурде кор гьемкоркигьоре ве мейле гуьрде гьуьндуьре риз гъэдерлуьи хубе дофусзереигьоре.
— Имбуруз гозит «Ватан» мунди вожиблуье бедел мэгlлуьмети иловлере эри жугьури жэгlмиет дин-догlоти регион. Чуьтам ишму гъимет доре гьонине овхьолет дофусхонере? Комини четинигьо оморени э пушой эну ве чуьтам хундегоргьоре гlэмел миёв кумеки доре э муьгьбете СМИ?
— Не денишире э вожиби гозит эри жэмигlэт, уре гьисди пуллуье четинигьо, оморигьо э дегишигьоревоз хэржисохи медиа ве зевер биреи мэгlлуьмлуьи цифровигьо платформагьо. Оммо дофусхоне желдлуь кор сохде э дошдеи гьуьндуьре риз гъэдерлуьи мэгlлуьметире.
Кумеки доре э гозит гlэмел миёв, э гуьнжо овурдеи игъролноме э гозит онлайн енебуге руйбиреи э корсохгьой дофусхонеревоз.
— Дирте ишму бирейт гlилми гьемкорсох Музей торихи гlуьломи культури ве дин-догlотгьо. Чуьтам гlилми синогъи нушу дори э карьера ишму ве э параменди хуьшден ишму?
— Кор э музей гьемиге менфигlэтлуье ве гъиметлуье бири е гъэдер вэгlэдо э зиндегуни эн ме.
У гlошир сохди дананигьой мере э товун культури дин-гlэдотгьо ве дин-догlотгьо, кумеки дори э параменди дуь э екиревоз гоф сохдеи э гlэрей жире-бе жирее хэлгъгьо ве культурегьо.
— Ишмуре бэхширет эз товней муьхькем сохдеи гlэреймиллети шолуми ве разилуьи. Чуь мэгlэнолуь бире эри ишму гье и бэхш?
— Гье и бэхш – келе хьэзё ве очугъсохи зиёдгъувотлуьигьой эн ме э гуьнжо овурдеи гьово дуь э еки хьуьрметлуьи ве гьемкорсохи э гlэрей жуьр-бе-жуьрелуье хэлгъи десдегьо. Желдлуьсуьз кори сохдеи дуь э екиревоз нибу рафде расире гьэгъилуье шолуми э еки зигьисдеи.
— Гьейсэгlэт ишму соводи вегуьрденит, дарафдеи э магистерски программа э хундеи дануьсдеи зугьун жугьури. Э чуьревоз себеб эн гъозие бире вихдеи эн ишму?
— Дануьсдем э товун вокурдеи э 2021-муьн сал э РГУ нум Косыгина э корикумекии дореи хуьшдени Президент Фонде СТМЭГИ Германа Рашбиловича Захарьяева магистерски программа эсер зугьуни жугьури, ме гъэрор норем дарафде э хундеи вегири ве вегуьрде филологие данани э сенигlэтевоз эсер зугьуни жугьури.
Меслэхьэт вегири э рэхьберевоз практике Евгенией Моисеевной Назаровой, ме вихдем гъосуьт гlилмлуье гешдеи. У гlуьзетсохи жирей гофсохдеи сеч сохдеи э гофноме зугьун жугьури.
— Келе согъ боши эри менфигlэтлуье гоф сохдеи дуь э екиревоз ве кондуьллуье жугоьб дореи!
Меслэхьэт сохди Тельман Таирли
Тержуьме сохди Ильканаева И.
