Зутее артигьо веровундеи бюджете пуьруьш сохди э гуьрдлеме Хьуькуьме Догъисту. Везифее гуьрдлеме Хьуькуьме РД бири эзир рэхьберисохи суьфдеи вице-премьере республике Руслане Алиеве.
Э кор гуьрдлеме норе омори е ченд пуьрсуьшгьо, э у гъэдер э товун барасигьо восдореие корисохигьо э Республике Догъисту э песой 2025-муьн сал ве э товун зутее артигьо веровундеи региональни бюджете.
Руслан Алиев бирмундеи тигъэте э у, чуьки э 2026-муьн сал мибу зиёд сохдеи коре, комики фуьрсоре оморе э зевер биреи барасилуьи гировундеи восдореие корисохигьоре, жейле э бедел экономике бюджетни овгъотгьо.
Э бинелуье мэгIлуьметиревоз э гуьрдлеме бирмунди суьфдеи жигегир сернуьше Комитете эсер хьукуьмлуье восдореигьо РД Рустам Муртазалиев ве жигегир министре пулгьо республике Шамиль Дабишев.
Веровундеи хэржие беделе э жиге овурде омори э жейлее фикиревоз вожиблуьи бюджетни коргьоре, чуь гьишди доре пуле социально вожиблуье хэржие ёгъине гъэрхундигьоре.
Э бегьем те эхир пуле доре омори социально-вожиблуье муьзде дореигьо ве суьфдеие хэржигьо. Э 2025-муьн сал э социальни пуле дореи могьлугъе, дешенде овгъотгьоре федеральни бюджете э гъэдер 118,7 млрд, комики доре омори э игъролевоз софинансировани дим-дуз Сциальни фонде Уруссиете, фуьрсоре омори 137,4 млрд монет»,- бирмунди сервор Минфине РД.
Бири бирмунде, чуьки республикански бюджет э хэбер э 1-муьн январь 2026-муьн сале эсер гъэзенжгьо веровунде омори э доруние гъэдеревоз 218,1млрд монет, чуь гуьнжуьнде 105% эки ёгъинире дануьсдеие салинее нореигьоревоз (207,8 млрд). Тойсохи э ижире вэхдевоз гьевелие сале зевер биреи гъэзенжгьоре бюджете гуьнжуьнде 119%, э у гъэдер 140% эсер налогови ве неналогови гьэзенжгьоревоз ве 112% эсер содогъолуье тегьер омореигьоревоз эз федеральни бюджете. Налогови ве неналогови гьэзенжгьо омори э гъэдер 67 млрд енебуге 117,.6% эки салине везифе.
Э тойсохи э песой песини пенж сал – эз 2021 те 2025-муьн салгьо хэржигьо республикански бюджете зевер бири эз 169, 2 млрд те 217,7 млрд монет, зевер биреи гуьнжуьнде 128,7%. ЖэгIмие доруние гъэдер хэржигьоре бюджете э песой 2025-муьн сал гуьнжуьнде 217,7 млрд монет енебуге 99,5% эз жэгIмие доруние гъэдере пуледореи.
Бири бирмунде, чуьки э артиревоз 2025-муьн сал веровундеи республикански бюджете веди бире хубе параменди: доре омори зевер биреи налогови хъэзенжгьоре, веровунде омори социальни ёгъине гъэрхундигьо.
