Корхонегьо жэгIсэхьиблугъие гуьрдноме Догъисту э артиревоз 2025-муьн сале дегиш сохди 7,3 гьозор тонн жэгIэ. Гье у э 20% омборте эз пушотеине сал, мэгIлуьм сохди э Комитете эсер жэгIие сэхьиблугъи республике.
Бинелуье доруние гъэдер дегиши сохдеи – зеверте 6,3 гьозор тонн гуьнжуьнде дерьёгьие жэгI. Гене эки еки гьозор тонн жэгIэ герек бири э хоме мол, комики овурде омори эз екейгегьо регионгьо Уруссиете.
Чуьтам бирмунди э Комитете, зевер биреи бирмунушире бесде оморе э парамендиревоз дегиши сохдеие инфраструктуре ве гьеммишеине пуьрсиреиревоз э молгьо э гьуьндуьре гъиметлуьиревоз.
Э гьевелие сал э республике кор сохди 20 дегиш сохдение идорегьо, пенж эз комики бэхшвегири сохде э ведешендеи ижире молгьоре.
