Кумекии дореи моле э де вилеетиге бердеи э Догъисту ведарафди э тозе риз гъэдерлуьи.
Республике Догъисту эсер артигьо 20925-муьн сал барасилуь веровунди корисохигьоре миллетлуье проекте «ГIэрейхэлгъие гуьрдноме ве моле э де вилеетиге бердеи» ве бирмунди гьуьндуьре барасилуьи э гуьнжолуьи гьеймогьоине региональни моле э де вилеетигее инфраструктуре.
Бинелуье барасиревоз сале бири веровундеи э зиёдиревоз везифее бирмунушигьоре федеральни проекте «Еклуье гъэдергьо параменди гIэрейхэлгъие гуьрдномере ве моле э де вилеетиге бердеире». Э гуьре э разимендиревоз, комики веди бири э ГИИС «Электронни бюджет», регионе гереки дешенде 13 вожиблуье карасдигьо Региональни экспортни нишоне 2.0. Догъисту дори веровундеи 14 карасдигьоре, унегуьре неки веровунди, оммо ве зевер сохди норе везифее бирмунушире.
АО «Уруссиетие моле э де вилеетиге бердеие бине» э зиреклуье руйбиреи гьуьндуьр гъимете дешендеи Республике Догъисту э параменди моле э де вилеетиге бердеие минкинире.
«Уруссиетие моле бердеие бине винире регионе чуьтам зурие хьовир э дореи барасилуье коре федеральни ве региональни кумекии дореи хоме молсуьзе неэнергетически моле э де вилеетиге бердеире», бирмунде э когъоз.
«Веровундеи Нишонере 2.0 гьишди имуре ведеберде кумекии овурдегоргьоре э хубе тозе риз гъэдерлуьи, э ихдиёри доре догъистуние бизнесменгьоре, жейле э иловле АПК, дегишие корхонегьоре ве жирелуье индустрие, гьеммей жергей гьеймогьоине гъуллугъсохигьо эри ведарафдеи э гIэрейхэлгъие жигегьо»,- бирмунди министр экономике ве жигее параменди Гаджи Султанов.
Региональни моле эз де вилеетигее нишоне 2.0 – гье у жирей корисохие гъэдергьо эсер кумекии моле э де вилеетиге бердеи э гъэд миллетлуье проекте «ГIэрейхэлгъие гуьрдноме ве моле э де вилеетиге бердеи». Уре э кор венгесдеи дешенде гуьнжолуьи ве параменди моле э де вилеетиге бердеие гъуллугъсохи э корхонегьо, соводие программегьо, институте фурухдение нушудорегоргьоре, э гуьнжо овурдеи бизнесс-миссие ве омборе екейгегьоре.
