Э Республике Догъисту хубте сохде оморени гIэрейхэлгъие аэропорт эн Махачкале (Уйташ) э гIэрей миллетлуье проект «Эффективная транспортная система». Хубте сохдеи инфраструктуре регионе сохдени мерэгълуь эри гъуногъгьо ве э гуьнжо овурдени овхьолет эри зевер сохдеи омореи сафарчигьоре.

Суьфдеи барасигьо ведини: э песини салгьо э аэропорт одомигьо омори э дуь гиле омбарте – эз 1,5 млн одоми э 2019-муьн сал те экуьнди 3 млн одомигьо гьонине вэхд.

Бинелуье объект хубте сохдеи бири взлетно-посадочни риз э дурази 3,2 км, хьисоб сохде оморигьо эри гъобул сохдеи гьемме жирегьой самолетгьоре. Объект хьозуьри экуьнди 90%. Э кор венгесдеи гьеймогьине инженерни гъэрорномегьоре ве товушемэгIлуьмсохие оборудованиере минкин миду расунде буьлуьнде риз секонесуьзи учмишигьоре э гьер вэхд эн руз ве шев э хьисоб вкегуьрденки сейсмически жирелуьи регионе.

Параменд сохдеи авиационни инфраструктурере ологълуьни э сафарлуье минкингьой эн республике. Э артгьой эн 2025-муьн сал гуьре э Догъисту омори экуьнди 2 млн сафарчигьо, ве хубте сохдеи аэропорте вокурдени зиедие минкингьо эри зиедте фирегь сохдеи рэхьлуье сете ве эри зиед сохдеи гъэдер авиарейсгьоре.

Хуьшлуье ве гьеймогьине транспортни инфраструктуре и вожиблуье бэхши параменд сохдеи сафарире, экономикере ве инвестиционни мэрэгълуьи Догъистуре.