Э товун эну Сернуьше Хьуькуьме РД Абдулмуслиме Абдулмуслимове гуфдири рэхьбер Комитете эсер онгурчигьи Догъисту Шериф Керимханов.
Э ёр овурденим, чуьки э Догъисту промышленни кошде веровунде омори 38 жинсгьо онгуре, э у гъэдер 12 хуреклуье жинсгьо ве 26 технически жинсгьо. Омборте дуьруьжде хоригьо э зир жинсгьоревоз онгуре: Ркацители, Молдове, Первенец Магараче.
Э дешендеи тозе онгурбогъгьоре фегьм сохде омори хубе параменди. Э песой песини пенж сал э республике дешенде омори эки 5000 га онгурбогъгьо. Весали гирошденигьо сале онгурчигьоревоз республике э жиге овурде омори дешендеи жовоне онгурбогъгьоре э хори 820 га.
Э гьонине вэхд бегьем сохде омори поизие кошдеи онгуре э хори омборте 724 га.
Гузет сохде оморе э эхир гирошденигьо сале хори дешендеи онгуре гуьнжуьнде омборте 1495 га, чуь э 20 % зевер сохдеи везифелуье бирмунушире, комики гуьнжуьнде 1250 га. Э 2026-муьн сале везифе норе омори э жиге овурде дешендеи онгурбогъгьоре э хори 800 га.
Шериф Керимханов ихдилот сохди, чуьки вечиреи онгуре гьонине вэхд омборте гурунди венгесдеи сайловие ворушгьоревоз э онгурчие районгьо республике э вэхд 6-20 сентябрь, комики гурунди дори ведарафдеи огурчигьоре э зимигьо, зофру биреи риз гъэдерлуьи шекере э дишов онгуре, пучи гуьле э тегьенг. Гъэдер онгурбогъгьоре бири батмиш.
Не денишире э гье у, э сер артигьоревоз жофокеши э вэхд гуьре гирошденигьо сале доруние гъэдер жэгIмие вечиреи онгуре э е гъэдер мескен Догъисту гуьнжуьнде 302,1 гьозор тонн эз хоригьо 24 гьозор га э сер миглее бегьерлуьи 126 ц/га, чуь жугьоб доре 38% гьеммеуруссиетие бирмунушире э 818 гьозор тонн.
Э гъэд районгьо республике серворие жиге э жэгIмие вечиреи онгуре вегуьрди: Дербентски -96 гьозор тонн, Каякентски – 40 гьозор тонн, Карабудахкентски – 20,5 гьозор тонн, Сулейман-Стальски – 19,7 гьозор тонн.н
Э гъэд сэхьиблугъигьо – серворевоз э сер вечиреи онгуре гьисди: АО «Э нум Наримане Алиеве» — 28 гьозор тонн, Агрохолдинг «Татляр» — 22,5 гьозор тонн, ОАО «ДЗИВ» — 25,5 гьозор тонн, ООО «Дербенд Агро» — 10,6 гьозор тонн. Эхирлуье барасигьо жэгIмие вечиреи онгуре мибу вегуьрде бэгъдовой хьозуьрлугъи бирмундеигьо онгурчигьоре идорегьоревоз хэбере.
Эз вечире оморе 302 гьозор тонн онгуре дегиш сохде омори 241 гьозор тонн онгуре, 7 гьозор тонн зевер сохдеи риз гъэдерлуьи дегиши гьевелие сале (234 гьозор тонн). Э гъэд дуьруьжде дегиш сохдегоргьо гIэмел миёв вихде АО «Кизлярски коньячни корхоне», ОАО «Дербендски корхоне возиреие шоробгьо», ООО «Дербенд вино», ООО «Алвиса» э песой эхири республике э дегиши фуьрсоре омори 3 гьозор 200 тонн онгуре.
