Сернуьш Хьуькуьме РД Абдулмуслим Абдулмуслимов гировунди корисохие вохурдеи э рэхьберевоз Комитете э сер онгурчигьи Догъисту Шерифовоз Керимхановоз.
Пуьруьш сохде омори эхиригьо э рэхьберие иловле корисохире э песой эхирлуье вэхд 2025-муьн сале, гьемчуьн корисохи веровундеи гъэдэгъэигьой Серворе РД Сергее Меликове.
Республике Догъисту – еки эз торихие бинегьо параменди онгурчигьире ве шоробчилугъире.
Хушхьолеие тебиетие ве гьовое минкинигьо, гьисдигьо дингьо, синогъи гьемшегьерие могьлугъе, гьемчуьн гьуьндуьре гъэзенжлуьи ведеберди онгуре э гъэдер вожиблуье миллетлуье культуре. Омборте чорек онгурбогъгьо Уруссиете ве доруние гъэдере корхонегьо онгуре бирени э Догъисту.
Э коргьой онгурчигьи республике гьисди омборте 286 субъектгьо онгурчигьи ве шоробчилугъи, эз комики 93 – гъонунлуье одомигьо, 193 – ранжберьетие сэхьиблугъигьо, ве гене омборте 2000 сэхьиблугъигьо могьлугъгьоре.
Э Догъисту промышленни кошде веровунде 38 жинсгьо онгуре, омборте дуьруьжде хоригьо э зир жинсгьо онгуре: Ркацители, Мордове, Первенец Магараче.
Онгурие-шоробчилугъие сэхьиблугъигьо гьисди бюджете э гуьнжо овурдеи, комики деберде дуьруьжде дешендеи э экономике республике. Э песой 2024-муьн сал корхонегьоревоз-молеведешендеигьоревоз шоробчилугъие молгьо республике муьзде доре омори гьемме 8 млрд 730 млн монет налогови вечиреигьо э бюджетгьо жире-бе-жирее риз гъэдерлуьигьо, э у гъэдер 4 млрд 286 млн монет вечиреигьо.
Э эхириревоз 10 мегь 2025-муьн сале э бюджетгьо гьеммей гъэдергьо омори 8,5млрд налогови пуле дореигьо, э у гъэдер 3,9 млрд вечиреигьо.
