Э гимназие №18 шегьер Дербенд гирошди межлуьслуье жерге кор, гlуьзетсохи э нум дореи гимназие №18 нумине Игид Уруссиети Федерацие, хьэсуьломорегор Дербенд Абраменко Михаиле Владимировиче, ве вокурдеи ёргирие сенгъ варасдегор гье и школе, кавалер орден Мердьети Хидирнабиеве Мавлудине Тажидиновиче.
Э и межлуьслуье жерге кор гъобул сохди бэхшвегиргьо Сервор Дербенд Ахмед Кулиев, сернуьш Гуьрдлеме депутатгьо шегьере, рэхьбер Рэхьбери соводи шегьер Дербенд, сернуьш шегьери несиет ветерангьой довгlо ве жофои шегьер Гаджимурад Гаджи-
мурадов, жовонармейцигьо, школникгьо, тербиедорегоргьо, гьемиге гъовумгьо ве куь-
ндлуьгьо телеф бирегоргьо.
Ахмед Кулиев шолум гуфдиреи руз эхэйрбу дори гьеммейкире э жиге бирогоргьоре
ве гlуьзет сохди, чуьки нумгьо телеф бире игидгьо эри гьеммишеи нуьвуьсде омори э деврон нуьвуьсдеи неки э шегьер
Дербенд, оммо ве э гьемме Уруссиет. Игидьети лешгерчигьой иму – зиёд дуразкеши дин-гlэдотигьо игидгьо Келе довгlой Ватани.
«Михаил Абраменко – гьемватани иму, довгlои летчик, веровундигьо омборте
600 гъовхои учмишигьо. У бири э гъэлхэнди асму Сирие ве Донбасе, хилос сохди зиндегуни хьэрмэхьгьоре, гьовхо берди те песини нефескеширеи. Игидьети эну — зиёд дуразкеши гlэдотгьо игидгьо Келе
довгlой Ватани.
Мавлудин Хидирнабиев – офицер, эри коминики гъуллугъсохи не бири кор, оммо
гуьнжолуье сэнигlэт. У телеф бири, э гъэлхэнди сохдеи Дер-бенде эз зулумкорлуье терсдии, гьишдеи эри иму дерс
мердьети ве бофо э гъэрхунди», — гуфдири у.
Деде Михаиле Абраменко – Надежда Абраменко согъбоши гуфдири э гьемме э товун ёргири кук энуре.
«Гlэилгьо иму, кукгьо, бебегьо, бироргьо ве шувергьо довгlоберде нисе эри игиди,
угьо довгlоберденуьт эри динжи иму, динжи кифлетгьой хуьшде. Эз зиндегуни рафденуьт,
эри чуьки иму зигьим», — гуфдири у.
Вожиби ижире жерге коргьо эри дошдеи ёргири э товун игидгьо, коминигьо э гъимет
зиндегуни хуьшде э гълхэнди поисде эри хэлгъ хуьшде.
Ихдиёри вокурде ёргирие сенгъэ Михаила Абраменко бири нушу доре Ахмеде Кули-
еве ве Надежде Абраменко, оммо сенгъ ёргири Мавлудина Хидирнабиеве – кук энуре
Фархаде, курсанте Волгоградии академие МВД Уруссиет.
Э бегьемсохи митинге мэгlнихуне десде «Мозоллуье гlэили» веровунди мэгlни «Уч-
миш бошит, ковтергьо учмиш бошит».
Эзуновлейге рэхьбергьой шегьер, гъовум-гъэрдеш ве куьндлуьегьо венори гуьлгьо
эки ёргирие сенгъ Мавлудине Хидирнабиеве.
Э рамке проекте «Тозе школе» э хотур Михаиле Абраменко ве Мавлудине Хидирнабиеве э гимназие №18 вокурде
омори Партгьо Игидгьо.
