21-муьн марте, сервор Догъисту Сергей Меликов гировунди дуь эекиревоз гуьрдлеме э гъэршуйбедкорлуье комиссие Зутеи бине э Республике Догъисту.
Бинелуье гъосуьт АТК ве ОШ бири дореи секонеисуьзи э рузгьой хьозуьрлугъи гировундеи корисохигьоре, комики гlуьзетсохи эки мигlид 80-муьн сали Бараси э Келе довгlой Ватани.
Э товун гъэдер, комики гъобул сохдеи гуфдири министр доруние коргьо э РД Абдурашид Магомедов ве жигегир серворе Рэхьберисохи Федеральни гъуллугъсохи лешгер миллетлуье гвардие РФ э РД Вадим Курбанов.
Э имбурузине руз э Догъисту веровунде жергей гъэдергьо э дореи жэгlметие секонеисуьзи ве ихдиёри гуьнжолуьи э вэхд хьозуьрлугъи ве мигlиде гировундеи 80-муьн салие Буьзуьрге Бараси, гьемчуьн зиёд гъувотдии э гъэршуйбедкорлуье гъэлхэнди гье белки объектгьоре бедкорлуье гъовкендеи.
Корсохгьо доруние коргьо, Урусгвардие ве еккейгегьо коргьо гъобул сохде гене гъэдергьо эри гъэлхэнди объектгьоре промышленни, герме-энергетически еклуьги, дошдеи жунсогьире, соводигьо ве жигегьо жэгlмитегьерие омореи одомигьо. Э объектгьо гьисди фегьм сохдеи ве дегьишдеи жигегьо э
гъовуниедетекторовоз ве гъуллугъсохие сеггьо эри нисе дегьишде деберде гlэмел нисе оморение чигьо. Кор берде оморе э кори сохдеи дуь эекиревоз э министерствогьоревоз ве идорегьоревоз, гьемчуьн э жигее корсохгьо хьуькуьмевоз.
Те бегьем сохдеи межлуьслуье корисохигьо мибу э жиге овурде фегьмгери зуте овхьолет иловлеи э шегьергьо ве районгьо республике э везифе зурие жугъоб доре э белкинеи гурунисохигьо.
Эз 1-муьн те 10-муьн май 2025 сал гьемме ихдиёригъэреуле корсохгьо мигирору э зиёдие гъувотдоре омореи гуьнжолуьи коре, эрзо нуьвуьсди Абдурашид Магомедов. Гьеммишеине жигегьой човучгьо гъувоте зиёд сохде гене гъувотгьоревоз ве овгъотгьоревоз эри дузие виниреи автотранспорте.
Дуь эекиревоз э войгей хуьшде гуьре, хэлгъие лешгергьоревоз ве казачьигьо э гуьнжо овурдегьоревоз мибу гъэреул сохде омборте 800 сенгъгьо ёровурди ве лешгерчие гъоврегьо.
Э апрель везифе норе фегьмсохигьо бинелуье жигегьой жэгlмитегьерие омореи одомигьо. Гьемме угьо бири зуте винире э гуьре э талабигьоревоз э гъэрушуйбедкорлуье гъэлхэндиревоз.
Э пушой межлуьс рузгьо гьемкоркии
региональни МВД, э гофгьой А.Магомедове, дуь эекиревоз э инженерни-технически десдегьоревоз Урусгвардие, хунеи-коммунальни ве екейгегьо гъуллугъсохигьо шегьере Каспийске везифе нори корисохигьо э виниреи жигегьой гировундеи межлуьслуье корисохигьо ве экуьнди гьисдигьо е гъэ-
дер мескенгьо. Рэхьо рафдеи одомигьо ве лешгерие технике, комики бэхшвегири сохде э Межлуьс, мибу зуте фегьм сохди э кор венгесдеиревоз технически овгъотгьоре. Э кор венгесде пуьрсуьшгьо сухдеи секонеисуьзи.
Жирелуье тигъэти доре э гъэршуй кори сохдеи пилотнисуьзе эвирлуье гемигьоре. Э бине ГУ МЧС Уруссиет э Догъисту шеви-рузи берде оморе фегьмгери эвирлуье жигегьоре. Жейлее десдегьой човучгьо, э гъэршуйдро-
новигьо техникеревоз, фегьм мисоху
эвирлуье овхьолет иловлеире. Э мигlидлуье рузгьо пушоки дире дануьсдеи
бирмундеи гене жигегьой фегьмгеригьоре.
Э вэхд гировундеи межлуьслуье корисохигьоре секонеисуьзире миду эки
4 гьозор гьемкоркигьо доруние коргьоре, гьемчуьн хэлгъие лешгеригьо ве нушудорегоргьо сэхьиблуье гъэреулие
корхонегьо. Э овхьол гереклуьи зиёд
гъувотдии, бирмунде министр доруние
коргьой регионе, гъувотгьо ве овгъотгьо идорере гьисди.
Э товун эну гуфдири ве жигегир серворе Рэхьберисохи Федеральни гъуллугъсохигьо лешгергьо миллетлуье лешгери РФ э РД. Кори сохдеи дуь эекиревоз, э гофгьой энуревоз э гуьнжо овурде, хьисобгьо хьозуьр эки веровундеи везифегьоре.
«Иму варасиреним, эри чендгъэдери жугъобдорлуье корисохигьо, э межлуьслуье рузевоз, иму мигировуним э Сал гъэлхэндчи Ватане. Секонеисуьзи одомигьо,- риз кешири сервор регионе,- биё бу бинелуье вожиблуьи эри корсохгьой хьуькуьме ве ихдиёридошдеие коргьо»,- гуфдири Меликов.
Гировунде фегьмсохи объектгьой гермие-энергетически корхонегьо. Зиёд
гъувотдии гъэдергьо секонеисуьзи э
коргьой транспортни инфраструктуре.
Сервор регионе сеч сохди, чуьки, не денишире э гъобул сохдение гъэдергьо
э гировундеи объектгьой транспорте э гуьре э талабиревоз э жергей гъонунгьоревоз, э корисохи фегьмсохигьо э гъэршуйбедкорлуье гъэлхэнди сохде веди бири овхьол гъонунепузмиши корсохгьоревоз ихдиёри гьо э веровундеи дегьишдеие гуьнжолуьи, бидузе асанте бору ве недебиреи гьеймогьоине
технически овгъотгъой гъэреули. Гъэрорноме везифегьо талаб сохде гене хэржилугъи, ве тозе коргьо эри дореи э гъэршуйбедкорлуье гъэлхэнди сохдеи.
«Песшендеи гlэйбигьоре гьисди имбуруз жирелуье гъэдер. Э ер дореи транспортни секонеисуьзи гереки винире гьемме терсдиигьоре, э у гъэдер техногенни, тебиетие жире. Вожиблуьи э гъонун гуьре доре гъэлхэнди эз гьемме жире терсдии»,- гуфдири сервор регионе.
Э гъэд пуьруьш сохдеи э гуьрдлеме пуьрсуьшгьоре – зевер биреи риз
гъэдерлуьи э гъэршуйбедкорлуье гъэлхэнди объектгьоре месебие идорегьо, гьемчуьн гъуногъхонегьо ве екейгегьо овгъотгьо офдеи жиге дореи, комики э десдин дебиреи э е гъэдер мескен республике.