Премьер Догъисту овурде арте коргьой Минздраве э 2024-муьн сал ве мэгlэнолуь бире бинелуье везифегьо э 2025-муьн сал.
Сернуьш Хьуькуьме РД Абдулмуслим Абдулмуслимов гъобул сохди бэхшвегири э гуьрдлеме гьемкорсохии Минздраве
Догъисту, эже овурди артгьоре 2024-муьн сале ве пуьруьш сохди везифегьо параменди медицинере э республике. Премьер хубе гофгьо гуфдиреи медицинеи жемигlэте ве риз кешири, чуьки вожиблуьи мунде зевер биреи имидлуье ве варасирение тегъер медкумекии.
Э 2024-муьн сал э республике вокурде омори 20 ФАПгьо, восдори 700 оборудованигьо,
280 мошин зурие кумекии ве 80 мобильни комплексгьо. Э гъэд программе «Земски духдир» э хуьшде вогосунде 147 духдир-
гьо ве медсестрегьо.
Э 2025-муьн сал э регион мибу веровунде тозе миллетлуье проектгьо, цифровизаци
дошдеи жунсогъире, диспансеризацие , медреабилитацие ве зуте мэгlлуьм сохдеи. Гене миду 615 млн монет эри дермугьо, 150 млн – э соцвыплатгьо эри духдиргьо ве 270 млн – эри оборудованигьо софхонегьо-
ре. Жейлее тигъэти доре медкумекии бэхшвегиргьой СВО.
Серворе духдир биё э гуьнжо овурде нуботноме михьтожлуь э софи лешгерчигьоре ве кифлетгьой эн угьоре. Гьемчуьн премьер огол зере гъувоте зиёд сохде э могьлугъевоз э
вакцинегьоревоз.
Э бегьем сохдеи гуьрдлемере 16 медкорсохгьо вегуьрди федеральни ве республикански бэхшгьо.
