Рэхьбер Хьуькуьм Догъисту Абдулмуслим Абдулмуслимов гировунди вохурдеи э врио генеральни сервор федеральни хьуькуьмлуье еклуьгие корхоне «Миллетлуье жэгIлуье овгъотгьо» Андреем Тарасенко.
Э гъэд вохурдеи угьо пуьруьш сохди пуьрсуьшгьо вокурдеи э гъэд регион завод эри молведешендеи жэгIлуье гIорд зэгIи фиресуьзлуье ем гъуши эри жэгI, гьемиге гъул кешире Разименди э товун э еки корсохи.
Чуьтам гIуьзет сохди Андрей Тарасенко, завод зутеине хэёл сохдени мибу гъувотлуьи э 400 тонн э шеви-рузи э имид доре биёвгьо вэхд песдение зеверсохи гъувотлуьгьире.
«Е геми э шеви-рузи дорени экуьнди 100-110 тонн, э ижире доруние гъэдер завод зуте мибу э кор венгесде.
Гьемиге имуре норе везифе вокурдеи холодильнике лап зофруе гъэдер комики миё бу 15 гьозор тонн. Холодильник гереки эри дечире норе, пур сохде, эри э песдеине иму параменд сохде ве консервни корхоне. Унегуьре бее зере жиге ёгъин гереки. Догъисту – желдлуье регион э омборе минкиниревоз, и жэгIлуье гьосуьт инжо гьисди еки эз омбор имид доренигьо. Иму лап шорим, чуьки э республике эн иму гIэмел миёв бегьем веровунде ижире берекетлуье эри зигьисдегор республике ве гьемме вилеет иму проект э Каспии»,- андуьрмиш сохди Тарасенко.
Э нубот, эн хуьшде А.Абдулмуслимов хубе гофо, согъбоши гуфдири э А.Тарасенко э фикир эну э сереботи веровундеи проекте, ве боворини дори, чуьки Сервор РД Сергей Меликов ве Хьуькуьм Догъисту хьозуьрлуь гьемсогъи кумекии доре гьисдигьо проект ве ихдиёри гьер кумекии.
«Вокурдеи ижире завод имуре вожиби, бешгъэ э хьисоб дешенде имид доре э биёвгьо вэхд корхоне мол жэгI дошде веровунде, жэгIмие доруние гъэдер жэгI гуьнжуьндени 6,2 гьозор тонн. Э гирошдигьо сал э товун омбор оморе сафарчи доруне гъэдер веровундеи форель зиёдте бири эз 152 те 420 тонн, параменди форелевигьо сэхьиблугьи, чуь гуфдирени э товун герекие жэгI молгъэреи э регион. Иму лап зеверие гъэдер мерэгълуьним э вокурдеи гье у корхоне»,- гуфдири Абдулмуслимов. Гъул кешире разименди э товун гьемкорки э гIэре Хьуькуьме РД ве федеральни хьуькуьмлуье унитарни корхоне «Миллетлуье жэгIлуье овгъот» зутеине хэёл кори сохдеи дуь э лой еки э рамке корсохи э тозеден вокурдеи корисохи овгъот жэгI мескен дерьёгьгьи порте Махачкале.
Гьемиге тойлуье корисохи игърол бесди гьемкорсохде э бедел параменди хьуькуьм кумекии корхоне жэгIсэхьиблуьи гьосуьт регионе, дебердеи овгъот сэхьиблугъи э параме нди жэгI овгъот, гьемиге корикумекии доре зевербиреи рейтинге э хэйрлуье хуьшде вогосундеи э жэгIсэхьиблуьи гьосуьт.
«Хьуькуьм Догъисту хьэрекети эри доре гьер жире корикумекии э гьеммишеине доре электроэнергии ве газе э доруние гъэдер герекие эри дануьсде пуле расунде мол ведешендение гъувотлуьи жэгI мескен дерьёгьгьи порте Махачкале, гьемиге э зиёд фирегьсохи гъирогъие мескен боруре, экуьнди гьисдигьо эки жэгI мескен дерьёгьгьи порте Махачкале»,- гуфдири Абдулмуслимов.
Корисохи объект биё бу веровурде сохде э гъэд 2024-муьн сал.
