Жигегир серворе регионе Фёдор Щукин гировунди корие гуьрдлемере э веровундеи жергей дуьруьжде проектгьоре, э корисохи комикире пуьруьш сохде омори овурде расундеи инженерни инфраструктуре микрорайонгьре «Южный» ве «Аваин» э Дербенд.
«Э Дербенд зиёд сохдеи коре э сер тозе сохдеи системегьоре гIоведореи ве гIовеведебердеи, вокурдеи ве тозеден э хуьшде дировундеи инженерни объектгьоре, параменди гIовебердеире ве дешендеи тозе микрорайонгьоре эки гьисдигьо тургьо. Гьееки э уревоз гировунде оморе технически фегьмсохи коммунальни инфраструктуре э кор венгесдеиревоз гьеймогьоинее гидравлически меселенгьоре эри гъобул сохдеи еклуье гъэрорномегьоре эсер зевер сохдеи имидлуьи системере»,- бирмунди Ф.Щукин.
Рэхьбергьо сенигIэткорлуье идорегьоре ве сервор Дербенде мэгIлуьм сохди э товун гъэрорноме инфраструктурни пуьрсуьшгьоре.
Чуь везифе норе омори э гъэрорноме э микрорайоне «Южный»?
Везифе норе омори вокурде экуьнди 660 гьозор м2 хунегьо ве объектгьоре транспортни, иженерни ве социальни инфраструктуре, э у гъэдер школе ве богъчей гIэили. Берде оморе вокурдеи хунегьоре эсер доре руьхсетгьо.
Чуь зутеине хэёл сохдеи еклуье параменди е гъэдер мескене микрорайоне «Аваин»?
— Мейдун – 55,5 га.
— Минкини вокурдеигьо хунегьоревоз ве дуьруьжде вокурдеигьоревоз — 303 гьозор кв. м., мейдун хунегьо – экуьнди 134 гьозор кв. м.
Жигегир министре вокурдеи ве ЖКХ Бахтияр Уллаев нушу дори жергей фикиргьоре эри зуте сохдеи овурде расундеи е гъэдер мескене инженерни инфраструктуревоз. Э гъэд эн угьо – вокурдеи тургьоре гIоведореи, гIовеведебердеи, канализационни коллекторгьоре, темиз сохдение дуьруьжде вокурдеигьоре.
Э хьисобсохиревоз дуьруьжде имидие вокурдеигьо ве вожиби еклуье параменди е гъэдер мескене жигегир министре энергетике ве гъиметгьоре регионе Марат Шихалиев э пушо нори жергей технически гъэрорномегьоре.
Э микрорайоне «Южный – вокурдеи тозе бинере хурекхурире 110 кВ э нореиревоз дуь гъувотлуьие трансформаторгьо гъувотлуьиревоз э 40 МВА гьерки. Э микрорайоне «Аваин» — тозеден э хуьшде дировундеи подстанцие 110 кВ Дербенд-Западная» э зиёдсохиревоз трансформаторни гъувотлуьире. Э пушо норе омори ве дегиши дуь гьисдигьо гъувотлуье трансформаторгьоре э омборте гъувотлуье.
Гереклуьи э тебиетие газе микрорайоне «Аваин» гуьнжуьнде экуьнди 4 гьозор м /ч.
Вожиблуье технически овхьолете э проекте сохдеи газетелгьоре доре омори. Гереклуьи э тебиетие газе микрорайоне «Южный» — экуьнди 7 гьозор м/ч. Э пушо норе омори э кор венгесде пуьрсуьше тозеден э хуьшде дировундеи газебэхшсохдеие станцие «К.Марксе».
Ф.Щукин несиет дори идорегьоре хьуькуьме э жугьобдорлуье веровундеи везифегьоре э веровундеи вожиблуье социальни проектгьоре.
«Андуьрмиши неверовундеи ёгъинлуье везифегьоре, гъэдэгъэгьоре иму миданим офде гьерки гири, оммо одомигьоре гье у нисе мерэгълуь бире. Гье у неки имид дореигьо, гье у ёгъинлуье везифегьо, ёгъинлуье вэхдгьо. Доре омори гъэдэгъэигьо э сер веровундеи поисдение э пушой эн иму везифегьоре»,- гуфдири у.
Э артигьо гуьрдлемере доре омори ёгъинлуье гъэдэгъэигьо ве нори вэхде угьоре веровундеире.
