Магомед Рамазанов гуфди э товун жугьобдорлуьи эн рэхьбергьой муниципалитетгьо эри хьозуьрлуьгъи эки поизи-зимисдуне вэхд (ОЗП).
Э Хьукуьм Догъисту фегьм сохде омори пуьрсуьш э товун артгьой кор эн объектгьой эн хунелуье-хозяйственни хозяйство эн республике э 2025-муьн-2026-муьн салгьо ве э товун хьозуьр сохдеи угьоре эки поизи-зимисдуне вэхд 2026-муьн-2026-муьн салгьо.
М.Рамазанов гуфди, э гирошдигьо эн поизи-зимисдуне вэхд бу омбаре четинигьо, ологълуь гьисдигьо чуьтам э технически хэребеигьоревоз, гьечуь э гьовой рузгьоревоз. Омбаре хэребеигьо биребу э сетьгьой гIоврасундеи ве гермирасундеи.
Иму мие э пушо ним егъинлуье коргьо эри хьозуьр биреи эки нуботлуье поизи-зимисдуне вэхд. Гереки бегьем сохде гьемме хьозуьрлугъие коргьоре э объектгьой ЖКХ э тогIин сохде оморигьо вэхд, гъуьч сохде товгьой гIовире ве гермидоренигьо сетьгьоре, хьозуьр сохде зиедие моллуье-технически овгъотгьо эри нисдсохи зобуне ве хэребее овхьолете э объектгьой ЖКХ», — гуфди премьер-министр.
Гьемчуьн у э ер овурди э товун жугьобдорлуьи э жигегьо эри хьозуьор сохдеи шегьергьоре ве районгьоре эки поизи-зимисдуне вэхд.
Гьевелимуьнжи, серворгьой муниципальни соводигьо мие хуьшденишуь жугьобдорлуь бошут эри пуьрсуьшгьой хьозуьрлуьгъи эки поизи-зимисдуне вэхд. Дуьимуьнжи, Министерство вокурдеи, Министерство энергетике ве Госжилинспекцие гьеммише мие назари сохут и пуьрсуьшгьоре, гьемчуьн мие расинуьт хэйрлуье кор сохдеире гьееки э администрацией эн муниципальни соводигьоревоз, э овгъотрасунденигьо ве э рэхьбери сохденигьо идорегьоревоз. Сеимуьнжи, рэхьбергьой эн овгъотгьорасунденигьо идорегьоревоз ве э рэхьбергьой идорегьоревоз мие зу гъэрор сохут хьэсуьл оморенигьо четинигьоре гьееки э мерэгълуь гьисдигьо отраслевой органгьой эн хьуькуьм республике. Гьерки эз ишму жугьобдорлуь биренит эри хьозуьрлуьгъи ве гирошдеи э пушо деригьо поизи-зимисдуне вэхде».
Э муниципалитетгьой Догъисту тогIин сохде омори плангьой хьозуьрлуьгъи эки гермидоренигьо вэхд эн 2026-муьн-2027-муьн салгьо. Э товун эни э гуьрдлемей Хьуькуьм РД э премьер-министр М.Рамазанов ихдилот сохдебу веровундегор гъэрхундигьой эн министр вокурдеире, архитектурере ве эн ЖКХ РД Бахтияр Уллаев.
«Э хьисоб вегуьрденки бирмунде оморигьо плангьоре, гьемчуьн гьисдигьо кемсуьгигьо эн гирошдигьо гермидоренигьо вэхд э гъэрорнемегьой эн органгьой жигенлуье хуьшден рэхьберисохи эн муниципальни соводигьо э гьемме муниципалитетгьо тогIин сохде омори плангьой хьозуьрлуьгъи эки гермидоренигьо вэхд эн 2026-муьн-2027-муьн салгьо»,- гуфди Б.Уллаев.
Э бирмунде оморигьо плангьо гъуьч сохде миев ве гъуллугъ сохде миев 11,6 млн кв.м.
