Сернуьш Хэлгъие гуьрдлеме Республике Догъисту Заур Аскендеров гировунди вохурдеи э Жугьобдорлуье Векилевоз Уруссиетие Федераци э Азербайджански Республике Михаиловоз Евдокимовоз.

Э вохурдеи гьемчуьн гъобул сохде бэхшвегири жигегир Сернуьше НС РД Камил Давдиев ве жугьобдорлуье нушудорегор Серворе Догъисту э НС РД Нюсрете Омарове.

Лойгьо пуьруьш сохде пуьрсуьшгьо гьемкоркии гlэрей Догъистуревоз ве Азрбайджански Республикевоз.

Бирмундегор догъистуе парламенте бирмунде, чуьки и пушогьоре омореи Серворе Уруссиетие Федераци Владимире Путине э Азербайджан риз кешире вожиблуьи экономически ве политически мерэгъгьо Уруссиете э омборе вэхде вожиблуье регионе.

«Догъистуре гьисди гъножогъи эки регион ве сохде гьемме зиёдгъувотлуьи эри вокурдеи ве параменди гъэножогъи Уруссиетие Федераци э Азербайджански Республикевоз.

Имуре эри эну гьисди омборе минкини, комики воисде ве песде параменди сохде», риз кешире Заур Аскендеров.

Э корисохи меслэхьэт гьемчуьн бирмундеи тигъэте э лугъонде торихлуье бесдеи ве рэхмигъуншилуье гъэножогъи гlэрей хэлгъгьой Догъисту ве Азербайджане, гьемчуьн дес зере пуьрсуьше вокурдеи серхьэде гlэрей республикегьо.

Заур Аскендеров гуфдире хьозуьрлугъи ве песде сохде омборе зиёдгъувотлуьи эри муьхькем сохде коргьой Уруссиетие Федераци э и вожиблуье регионе. Лойгьо игърол бесде зиёд сохде коргьоре, э у гъэдер ве э риз гъэдерлуьи парламентгьо гьердуь республикегьо.

Одомигьо Хэлгъие Гуьрдлеме Республике Догъисту э песой дуь песини салгьо се бо сер кешире Азербайджане, чуьки шогьоди доре э товун муьхькем сохдеи корлуье ве дусдие бесдеи гlэрей парламентгьой дуь вилеет.

Гьемчуь бири е гъэдер расире бегьем те эхир гирошдигьо парламентски вихдеи э Азербайджан. 1-муьн сентябрь догъистуние одомигьо кор сохде э гlэрейхэлгъие фегьм сохдегоргьо э вихдение мескен э шегьергьо Баку, Губа, Хачмаз, Гусар.