Институт жэгIметлуье несиетгьо эки органгьо кор веровунде хьуькуьм – гье у еки эз вожиблуье жире жэгIметлуье фегьмгери, гьемиге дузовне ве тенге кори сохдеи дуь э екиревоз э хьуькуьмевоз э вилеет. Эз хубе жире э гуьнжо овурде жэгIметлуье несиет гъэдер эну гъуллугъ сохи, томошелуье ве очугъи межбури хьуьрмет несиете ве хуьшден хубе жире жэгIметлуье фегьмгери.
Э товун гье у лугъот бири э вэхд вохурдеи Сернуьш Хьуькуьм республике Абдулмуслиме Абдулмуслимове э нушудорегоргьо жэгIметлуье несиетгьо. Э вохурдеи гъобул сохди бэхшвегири сервор ЖэгIметлуье палате РД Азизбек Черкесов, министр э миллетие политике ве э коргьо дин-догIот РД Энрик Муслимов, рэхьбергьо ве бэхшвегиргьо жэгIметигьо несиетгьо.
Вокурдеи вохурдеире, Абдулмуслим Абдулмуслимов гIуьзет сохди, чуьки хубе корисохи жэгIметлуье несиетгьо межбури суьфде эз желдлуье инсон фикир эну бэхшвегиргьо, гьемиге эз оводунеи э гуьнжо овурдеи несиетгьо, э ихдиёри доре гъонунегьо гъуллугъгьо, мерэгълуьи э угьо кор рэхьбергьо органгьо веровундегор хьуькуьм, кумекии жэгIметлуье палате.
Гуфдиреи э товун кор жэгIметлуье несиетгьо, не гьечуь зу Президент Уруссиет Владимир Путин гIуьзет сохди, чуьки «…угьо не миё бу эри рачи, миё бу огол зере бирмунде э жигей сенигIэткор, кими вэхд желдлуье бэхшвегиргьо э гъэршуй кори сохи гъонунсуьзе…».
«Э бинелуь тигъэти жэгIметлуье несиетгьо миё бу ижире пуьрсуьшгьо, чуь; пушоки дире дануьсдеи зобуне нушудореи э гъэд гьеле нисди келе гIуьмуьрлугъи одомигьо; экологие хьэвес; бимихьтожие жэгIметлуье гъиметдии жире хуби гъуллугъ, доре оморенигьо могьлугъе э лой культуре, социальни гъуллугъсохи, гъэреули жунсогъи ве данани, веровундеи хори жергей гъонунгьо; э ихдиёри доре коммунальни гъуллугъ; хушисохи ёргири жигегьо ве екиге пуьрсуьшгьо», гуфдири А.Абдулмуслимов ве фикир сохди хунде дануьсде региональни практике э гуьнжо овурде коргьо жэгIметлуье несиетгьо, гереклуьи дегиши жергей гъонунгьо э гьисдигьо область.
«Э хэёл ме гуьре гъосутгерекие дебердеи э корисохи гировундеи гъобулсохи инсонгьо э органгьо веровундегор хьуькуьм ве муниципалитетгьо э хьэвес серворгьо жэгIметлуье несиетгьо. У миё бу дуь эекиревоз гъобулсохи инсонгьо министригьо ве одомигьо эз гъэд несиет. Оммо жэгIметлуье несиетгьо э песдеине миё бу гуьрде э фегьмгери веровундеи руйбиреи инсон, э жиге овурде э угьоревоз вогошдеи руйбиреи.
ЖэгIметлуье несиетгьо мибу дануьсде зиёдте желдлуье э жиге овурде фегьмгери жэгIметлуье хэёл э товун вожиблуье социальни ве экономике пуьрсуьшгьо, гировунде социологие пуьрсуьшдореи ве эз у бине деберде фикир ве кумекие тэгIрифноме э гировундеи гереклуье тозе дегишигьо э отрасльгьо, пуьруьшсохи у пуьрсуьшгьо э гуьрдлеме несиетгьо. Эзуш бэгъэй, веровурд сохде э у, чуь жэгIметлуье несиетгьо мибу корисохи бэхшвегиргьо жерге кор гIуьзетсохи вожиблуье руз ве сал. Одомигьо жэгIметлуье несиетгьо миё бу гъобул сохде бэхшвегири э гуьрдлеме инсонгьо, вохурдеи э жофо кеширение гьемкорсохгьо, томошесохдеи гоф гуш дошдеи э фегьем сохде пуьрсуьш, меселен, э кор венгесдеи хьуькуьмлуье программе, гьемиге э гьемме культури-жэгIмитегьерие жерге кор», фикир сохди Абдулмуслимов.
У гьемиге гIуьзет сохди вожиби мэгIлуьметлуье рэхьсохдеи гьемме у кор э СМИ.
«Гьемме у кор миё бу варасунде. ГIэмел миёв э кор венгесде верэгъ гьемшегьери гозитгьо, радио ве телевидени эри дофуси ве бирмунуши, гьемиге социальни тургьо. ЖэгIметлуье несиетгьо, гьелбетте биё бу кор сохде э тенге еклуьи э органгьо веровундегор хьуькуьм ве органгьо гьемшегьери хуьшден рэхьберисохи. Инжо миё бу хуб кор сохде вогошдеи руйбире. Унегуьре э пушо норе кори сохдеи дуь э екиревоз э сервор несиетгьо э министерствегьо сэхд муьхькем сохде э статс-секретарьгьо-жигегиргьо министргьо. Иму гузет сохде омборте хьэвесе кор эз жэгIметлуье несиетгьо, э кор венгесде жуьр-бе-жуьрелуье жэгIметлуье проектгьо. Э и товун гуьре гъэрхунди хьуькуьм – кумекии доре жэгIметлуье хьэвес, вокурде эри угьо тозе минкини»,- риз кешири премьер-министр.
Сервор жэгIметлуье палате РД А.Черкесов э хуьшдени бирмунуши гьемиге гуфдири жерге фикир э жире кор жэгIметлуье несиетгьо эки органгьо веровундегор хьуькуьм.
Э хэёл эну, органгьо веровундегор хьуькуьм миё бу дануьсде расунде Несиетгьо гереклуье овгъотлуьи эри кор, дегьишдеи эки мэгIлуьмети. Вожиби э ихдиёри доре жэгIметлуье несиетгьо минкини доре корисохи э гъобулсохи гъэрорноме э органгьо веровундегор хьуькуьм. Меселен, эз сер бэхшвегири э пуьруьшсохи проектгьо гъонунгьо ве программегьо, енебуге гьемме и кор бирени дургуне.
Э товун кор ЖэгIметлуье несиет эки Министерстве экономике ве мескенлуье параменди ихдилот сохди сервор жэгIметлуье несиет эки Минэкономпараменди Шахмардан Мудуев. Э корисохи гуьрдлеме гьемиге бирмунуши вице-премьер Р.Джафаров, Сернуьш Миннаце РД Э.Муслимов, жигегир серворе ЖэгIметлуье несиет эки Министери хозяйствой дигьбони ве мэхьсуьлет РД З.Джамбулатов, сервор ЖэгIметлуье несиет эки Минкультури РД С.Хавчаев сервор ЖэгIметлуье несиет эки Минэнерге РД Ш.Абашилов.
Э рамке вохурдеи гьемиге пуьруьшсохи пуьрсуьшгьо э гуьнжо овурде гьрсалине рейтинге жэгIметлуье несиетгьо эки органгьо веровундегор хьуькуьм Республике Догъисту. Э арти гуьрдлеме премьер-министр гъуллугъ дори Миннаце РД хьозуьр сохде проект гъэрорноме Хьуькуьм «Э товун дебердеи дегишбиреи э Жире овхьол э товун жэгIметлуье несиет эки органгьо веровундегор хьуькуьм Республике Догъисту» э бедел хубсохи корисохи жэгIметлуье несиетгьо.
Рэхьберсохгьо органгьо веровундегор хьуькуьм гъуллугъ дори овурдеи гуьнжуьнде оморе жэгIметлуье несиетгьо э гереклуье талаби Жире овхьол, э у хьисоб ведешендеи эз угьо гуьнжуьнде оморе хьуькуьмлуье инсоние гъуллугъсох, гьемиге вихде оморе сенигIэткорлуье одомигьо.
