22-муьн август, э Махачкалеи Хуне дусди сервор Догъисту Сергей Меликов вегирлуь бире ёргири довгlоигъуллугъсохгьоре, доригьо зиндегунире э Ватан, венореи гуьлгьо эки сиротгьо угьо, бэгъдовой чуь вохурде омори э кифлетгьой бэхшвегиргьоревоз жирелуье довгlои операцие.
Эз хуьшдере хуьшдени ю, эз нум куьндлуьегьо хуьшде ве гьемме рэхьберисохгьо регион у дорундуьли гоф хьэйфкеши гуфдири э гъовум ве куьндлуье лешгерчигьо.
«Э хьэйфбери, иму вохурде оморе э бикефлуье вогьне. Имуре воисди доре бож хьуьрметлуьи ишмуре ве угьоре ки не дануьсди имбуруз бире э инжо э имуревоз. Иму варасиреним, чуь вирбиреи куьндлуьегьоре, дерд вирсохи э е жигеш нисе рафде. Оммо имуре воисдебу гьеммееки сохде у, чуь иму гъэрхунди гьисдим эри ишму. Веровунде войге игидгьо имуре, гъэрор норе четинигьо, фегьмгери сохде э ишму расире кумекии, комигьоки гьисди эри дореи кумеки кифлетгьо довгlоигъуллугъсохи, муьрдигьо э вэхд веровундеи хуьшдени довгlои ве ватандашлуье гъэрхунди.
Жирелуье довгlои операцие, э нуботлуье гиле гъувот дореи дузгунлуье гъэрор нореи эн иму Верховни Серворлуьере, гуфдирени э товун, чуьки иму довгlоберде нисе э ерэгъленмише гъувотгьой Украинеревоз, э у инсофсуьзеоревоз, комики эз гьемме гlуьлом кучмиш бири ве хэрекети сохде векенде э гужевоз торих имуре, дин-гlэдот, у жейлее фикир, э коминигьоревоз иму зигьисденим, гьишде гъобул сохде хуьшденире, бине дешендеи э инсоненехогьи, огъоети сохдеи екигьоре э сер екигегьо.
Угьо гlэйб не кешире имбуруз вэхьзи сохде жейлее фикир фашизме, э коминиревоз гъовхо берди келебебегьо ве келеи келебебегьо эн иму. Оммо гье у угьоре нисе дануьсде сохде», гlуьзет сохди Сергей Меликов.
У э ёр овурди, чуьки кумекии кифлетгьоре довгlоигъуллугъсохгьо гьисди э се риз гъэдерлуьи – федеральни, региональни ве муниципальни.
Варасирение тегьер э товун гьисдигьо кумекии ихдилот сохдет довгlои комисар РД Диатбег Мустафаев, гьемиге врио министр жофо ве социальни параменди РД Магомедзагид Кихасуров.
Э гъэд бэхшвегиргьо вохурдеи – довгlоигъуллугъсохгьо Темирлан Абуталимов ве Замир Гаджимурадов.
«Гье у одомигьо, варасиренигьо гурунди боре, коминире гердунди гъовумгьо ве куьндлуьигьо ишму. Белкине, гофгьой хуьшдеревоз ве коргьоревоз угьо мидануь нерм сохде дуьлести, расиригьо э ишму. Гьемме хьэрмэхьгьой эн ме ве корсохгьо гьеммише воисдени бире эки ишму. Ве гье у нисди тигье гофгьо. Иму хэрекети бире кумекии сохде э у гъэдер, коминики минкини. Жунсогъи ишмуре, хушхьоли ве э и зуригьо гьеммееки имуре шолуми»,- гуфдири сервор регионе.
Э вохурдеи гъовумгьо довгlоигъуллугъсохгьо пуьрсуьшгьо нори эз сервор регион эз корсохгьо хьуькуьм ве серворгьо муниципальнигьо дананигьо. Э жерге эз угьо гъэрорноме гъобул сохди э жиге ю. Гьемме гуфдире оморигьо э товун четинигьо гьисди э фегьмгери хуьшдени ю сервор Догъисту.
