Э Росавтодоре гирошди корисохие вохурдеи серворе Догъисту Сергее Меликове ве рэхьбере идорере Романе Новикове, э комики лойгьо пуьруьш сохди параменди федеральни рэхьие тургьоре э серхьэд субъекте, гьемчуьн тозе сохдеи региональни ве жигее рэхьгьоре э гъэд миллетлуье проекте «Инфраструктуре эри зиндегуни».
«Имбуруз Догъисту бири еки эз вожиблуье энгуьлгьо транспортни сироре «Софун-Дорум». Вокурдеи тозе рэхьгьоре ве тозе сохдеи гьисдигьоре – гье у бине эри вокурде очугъ сохде экономически, сафарие ве социальни минкинигьоре гьеммей субъекте. Дуь эекиревоз коре эсер параменди рэхьие тургьоре кумекии доре зофру биреи хэребеире ве гурунди эзуновлейге бире гъозиере ДТП»,– риз кешири Новиков.
Э нубот эн хуьшде С.Меликов бирмунди, чуьки э хотур кумекии дореи рэхьбергьоре вилеете ве Росавтодоре э республике берде оморе келе кор эсер тозе сохдеи ве зиёд фирегьсохи рэхьгьоре.
Э гофгьой серворе Догъисту, тозе рэхьгьо сохдени регионе омборте верасирение тегьер, зевер сохде сафарие э хуьшде вогосундеи энуре ве э гуьнжо овурде хубе минкинигьоре эри гъуногъой республике.
Э четиние рэхь P-217 «Кавказ» э гIэрей Хасавюртевоз ве Махачкалеревоз бегьем сохде омори дуьруьжде гъуьчсохи 15-муьн километреи е кесеге э тержуьмесохиревоз гирошдение беделе э чорзулее веровундеи. Э бегьем биреи вэхд э рэхь инжо кем мибу экуьнди э дуь гиле. Гъуьч сохде омори 23 э эхир оморе поисдеи ве гирошдеи эз мескен,дегиш сохде омори 19 гIовегьишдеие товгьо э зир гъэришметил.
Ижире коргьо бегьем бире ве э е кесег э гIэрей Избербашевоз ве Дербентевоз рэхье P-217 «Кавказ». Инжо эри дореи гIоведебердеи э зир рэхье дегиш сохде омори 11 гIоведегишдеие товгьо, норе омори гIовешендение гъобгьо. Бегьем сохдеи везифе нори э поизи гирошденигьо сале.
Э регион зиёд сохде дуьруьжде гъуьчсохи муьлке рэхье «Кавказ». Дешенде э кор 10-километрови муьлк э гIэрей Махачкале ве Дербенд, эже дечире норе жерге асфальтобетоне, везифе нори э 2026-муьн сал.
Сеимуьн дуьруьжде объект э кор федеральни рэхьнорегоргьо – э гъирогъгешдеи дорумие шегьере Уруссиете – Дербнде. Берде оморе хорие коргьо эри вокурдеи транспортни бесдере векендеигьо, комики мидану бэхш сохде омборе мошингьоре.
Дешенде гъирогъгешдеи Дербенде э кор венгесде везифе норе э 2028-муьн салгьо.Э 2025-муьн сал э миллетлуье проетевоз «Инфраструктуре эри зиндегуни» э регион овурде э хубе овхьолет 142,2 км региональни ве гIэреймуниципальни автомобильни рэхьгьоре– гьемме 24 объекте. Коргьо уже бегьем сохде омори э 16 эз угьо.
Сергей Меликов согъбоши гуфдиреи Романе Новикове э песой гьемметарафлуье кумекии рэхьие проектгьоре э республике ве бэхшири уре бэхшевоз «Э песой верзуьши э пушой Республике Догъисту.
