Э хьуькуьм эн серкори Дербенде э зир рэхьберисохи жигегире сернуьше Хьуькуьме Республике Догъисту Манвеле Мажонце пуьруьш сохди пуьрсуьшгьоре энергодореире шегьере

Э гуьрдлеме гъобул сохди бэхшвегири сервор Дербенде Ханлар Пашабеков, министр энергетикеве гъиметгьоре РД Марате Шихалиеве, нушудорегоргьо Минэкономпараменди РД ве Минстрое РД, рэхьбергьо овгъотедореие идорегьо.

Бинелуье гъосутгьоревоз бири пуьрсуьшгьо электродореире, гIоведореире ве гIовеведебердеире, канализацие ве газедореи объектгьоре гьемметарафлуье параменди жигегьоре э микрорайонгьо «Аваин» ве «Южный», гьемчуьн овхьолете электрически подстанци «Дербенд-Северная 2».

Сервор шегьере Х. Пашабеков нушу дори мэгIлуьметире э товун параменди инфраструктуре микрорайонгьоре.

У бирмунди, чуьки овурде расундеи иженерни инфраструктурере эри микрорайоне «Южный» везифе норе эз вокурдеи кучее-рэхьие тургьо – э гье у везифегьо пушоки дире дануьсдеи овгъотгьоре э федеральни бюджете. Гьемчуьн сервор шегьере мэгIлуьм сохди э товун кем-кем овурде расундеи овгъотгьоревоз дешенде оморе объектгьоре э тозе микрорайонгьо ве четинигьо, комикигьо талаб сохде гьемметарафлуье гъэрономере эри веровундеи имидлуье проектгьоре.

Э артиревоз гуьрдлемере М.Мажонц дори жергейт гъэдэгъэгьо рэхьбергьоре министерствгеьоре ве овгъотгьо овурде расундеие идорегьоре эри э гуьнжо овурдеи гьемметарафлуье гъэдергьоре, комики фуьрсоре оморе э овурде расундеи гъоимгъувотлуье энергодореи Дербенде.