Э Догъисту желди э гуьнжо овурде программере дуьимуьне Гlэрейхэлгъие гурдлемере «Гъоимгъувотлуье параменди догъие жигегьоре», комики мигирору э октябрь 2025-муьн сал.

Э гъэд хьозуьрлугъи эки гуьрдлеме, сернуьш Хьуькуьме Догъисту Абдулмуслим Абдул-
муслимов вохурди э нушудорегоргьоревоз Несиете Гlэрей парламентски Гуьрдлеме СНГ
– Наталие Амбурцеве, Юлие Ильине ве Юлие Зайкове. Э корисохи вохурдеи пуьруьш со-
хди вожиблуье пуьрсуьшгьоре э гуьнжо овурдеи гуьрдлемере, дешенде зиреклуье ве культурни программегьоре. Еки эз бинолуье тигъэти бири параменди догъие жигегьоре, комигьоки э кор венгесде омборте 40%
е гъэдер мескен Догъистуре.
Премьер-министр регионе риз кешири, чуьки догъие районгьоре гьисди келе минкинигьо
эри э хуьшде вогосундеи пулгьоре, гъэрорноме четинигьой хуреклуье секонеисуьзи ве дошдеи культурни миросигьоре. Эзуш бэгъэй, э гъэд гуьрд-
леме везифе нори гировундеи пуьруьшсохигьоре ве гиргинее
шуьлхьонгьо э гъосуьтгьо гъоимгъувотлуье параменди догъие жигегьоре хубте биреи инфраструктуре, гъэреули куьнде иловлере, гlоведореире, гьемчуьн гъэрорноме пуьрсуьшгьой сафарире. Вожиблуье
пуьрсуьш мибу гьемчуьн кумекии дореи догъие дигьбоние жигегьо эри зигьисде ве э гуьнжо овурдеи тозе системе хуте биреи эки гъовой рузгорлуьи ве социально-экономически дегишигьо.
Министр экономике ве гьемшегьерие параменди РД Гаджи Султанов бирмунде, чуьки гуьрдлеме 2025-муьн сале мибу
келе гъозие эри республике, ве Догъисту зиёд сохде желди кор сохде э сер э гуьнжо овур-
деи ве веровундеи программегьоре. Гуьрдлеме мивечину депутатгьоре вилеетгьой СНГ, нушудорегоргьоре федеральни
ве региональни хьуькуьмгьоре, гlилмие ве соводие идорегьоре, гьемчуьн гlэрейхэлгъие сенигlэткоргьоре, эри пуьруьш сохде
желдие четинигьоре ве гъэрорноме эри догъие жигегьо.