Гуьрдлеме э пуьрсуьшгьоревоз параменди ве кумекии дореи моле э де вилеетиге бердеире э Догъисту гирошди имбуруз э гъэд Рузе Республике Догъисту э Уруссиетие моле э де вилеетиге бердеие бине.
Э зир рэхьберисохи серворе Уруссиетие моле э де вилеетиге бердеие бинере Веронике Никишкине ве э сер бэхшвегири жигегире Сернуьше Хьуькуьме Догъисту Ризване Газимагомедове федеральни ве региональни сенигIэткоргьо ве бизнесменгьо пуьруьш сохди:
— моле э де вилеетиге бердеие корисохи э Догъисту;
— гIэрейхэлгъие хьэгъ-хьисоб сохде э хьисоб дешенде санкционни шиширеи эз серхьэд эулое хьуькуьмгьо;
— пуьрсуьшгьо вегуьрдеи сертификате «Халяль» гIэрейхэлгъие нишонере ве герекие когъозгьо э гъэдеревоз жергей гъонунгьоре исламски хьуькуьмгьоре, комикигьо имидлуьи эри моле э де вилеетиге бердеи;
— дореи республикере жейлее квоте э бердеи дунее ермере э дусдлуье вилеетгьо куьнде ве дуринее эз серхьэд эуло.
Пуьруьш сохде артигьо гуьрдлемере, сервор Догъисту Сергей Меликов бирмунди келе моле э де вилеетиге бердеие минкини республикере э иловле молведешендеи, хозяйствой дигьбони ве сафари.
«Имуре жирелуье овурде расундеие микинигьои, регион екбиреи э гIэрейхэлгъие транспортни сироревоз «Софун-Дорум». Догъисту желди ведарафде э фурухдеигьо дуринее эз серхьэд эулое, гье евэхди муьхькем сохдеи гьемкоркии э вилеетгьоревоз СНГ, унегуьре вожиблуьи, эри чуь компании вегуьрде минкини эки гьеймогьоине эдебе кумекии, комики э ихдиёри дореие Уруссиетие моле э де вилеетиге бердеие бинеревоз.
Э артигьо биригьо сале иму барасилуь бегьем сохде омори те эхир корисохигьоре миллетлуье проекте «ГIэрейхэлгъие гуьрдноме ве моле э де вилеетиге бердеи» ве рафде расири везифеие бирмундеигьо федеральни проекте «Еклуье гъэдергьо параменди гIэрейхэлгъие гуьрдноме ве моле э де вилеетиге бердеи».
Боворини, чуьки дуь эекиревоз кор гьишдени неки дошде ведировунде, оммо ве зиёд сохде рафде расиреие барасигьоре»,- гуфдири рэхьбер республике.
Бирмунденим, буруние фурухдеи Догъистуре э согъиревоз бирмундени хубе дегишире: э песой песини пенж сал доруние гъэдер моле э де вилеетиге бердеире зевер бири э 2,6 бо, гуьнжуьнде 148,9 млн долл. Оммо 56,2 млн долл. Э 2020-муьн сал.
Параменди буруние экономически бесдеигьо э республике сэхд муьхькем сохде зурие:
— тогIин сохде омори Везифе параменди буруние экономически корисохиьоре Республике Догъисту э е гъэдер вэгIэдо те 2030-муьн сале;
— корисохде Региональни программе параменди моле э де вилеетиге бердеире те 2036 сале, э кор венгесдеие ве тогIин сохдеие э гъэд веровундеи миллетлуье проекте «ГIэрейхэлгъие гуьрдноме ве моле э де вилеетиге бердеи»;
— дешенде оморе тегьергьо эри овурде расундеи хушхьоле иловле параменди моле бердеие корисохире, гъиметдии барпасилуьи комикигьоре гировунде оморе гьер сал.
Эз 2021 те 2025-муьн салгьо э сер кумекии дореи ЦПЭ бесде омори моле э де вилеетиге бердеие игъролгьо э 58 догъистуние корхонегьоревоз э жэгIмие гъэдер 31,3 млн доллоргьо. Э гуьнжо овурди бэхшвегири экспортно-ориентировочни корхонегьо э 13 бизнес-миссиях эз вилеетигее хьуькуьмгьо, гьемчуьн 22 дегиш биренигьо бизнес-миссии.
Бирмунденим, Догъисту шинох сохди молгьой эн хуьшдере э Уруссиетие э де вилеетиге бердеие бине, э комики бинелуье корсохгьо республике бирмунди фирегье жергей хурекгьо хурекхури, комикигьо хьозуьр сохде омори э регионе: эз ширинигьо ве дишовгьо те колбасигьо ве консервогьо.
Догъистуние усдогьо бирмунди молгьоре хэлгъие ветэгъэгьоре – кизлярски кордегьо, кубачински нуьгъре, холинчигьо ве екейгегьое коргьо. Промышленни корхонегьо шинох сохди молгьоре, комикигьо эри э де вилеетиге бердеигьо.
