Чуьл сал зиедте кор сохди э колхоз «Рэхь эки коммунизм» шегьер Дербенд Юнаева Тамара Давыдовна. Э мэхьэл довгlо у кор сохди э софхоне довгlо шегьер иму, ералуьгьоре гъуллугъ сохди. Э верзуьшлуье корисохи ю гуьре гьем э софхоне, гьемиге э колхоз, уре омборе мидалгьои.
Юнаева Тамара хьэсуьл омори э дигь Нюгди э
кифлет Авшалумова Давыда. Э кифлет угьо бири е духдер дуь бирор: Гиляд ве Хизгил.
Тамара Давыдова Авшалумова э гlэиле мэхь-
эл хуьшде зигьисди э дигь Мюшгуьр (Нюгди). Дедей энугьо муьрдебугьо мэхьэл
Тамара лап гlэил бири дегь салаи, Довид бебей энугьо у лап езугълуь бире э зин-
дегуни хуьшде. Жофо ве хьэрекетигьо эри дошдеи чуькле хэгьере вомундени э
сер чордегь сала бирор эну Хизгил, комики эз песи бирени ведилуье нуьвуьсдегор.
Хэгьере э гlэили хуне недуь гуфдире, Хизгил е
кем вэхд хундеи хуьшдере гьишде кор сохдени э колхоз. Келеи бирор энугьо
Гиляд умогьой хундебу э Новочеркаски сельхоз институт.
Тамараре – 14 сале духделере, зенбебешу дорени э шуьвер. Е сал бэгъдово
кифлет шуьвер эну оморени эри зигьисде э шегьер Дербенд. Э 1940-муьн сал
шуьвер Тамаре муьрдени, у мундени кумексуьз э гlэилевоз.
Колхоз эн дигь Мюшгуьр Тамарере текелиф сохде э учетчики. И кор эри эну
бисдо четин, чуьнки Тамаре э дигь э школе хундебу э зугьун тати, э хьэрфгьой ла-
тиниревоз, хьэрфгьой урусире у не дануьсдебу. Эз у товун, у сер гирде хундени
э шевине школе уруси. Э у школе хундебируьт жовоне кукгьой дигьбони хьозуьр
биренуьтгьо эри э салдати рафде.
Э 1941-муьн сал гьемме э гъушун хьозуьр бире
жовонгьоре военкомат бердени э шегьер. Военкомат Тамарере фуьрсорени
э шеш мегьине курсгьой медсестраи ве песде дарафдени эри кор сохде э 1628-муьн софхоне довгlои шегьер Дербенд. «Эгенер мере гlэил не бисдоге ме текелиф мисохдум эз во-
енкомат фуьрсоре мере э довгlо», — гуфдири Тамаре Давыдовна, — э сугьбет иму.
– Кор э софхоне, эз фронт кемте ве сукте небу, — гуфди Тамаре Давыдовна, — Эшелонгьо э ералуьегьоревоз дуь э песой еки миоморут э
софхоне. Гьемме хьэрекетигьо корсохгьой софхоне бири эри зу хос сохде ералуьигьоре, угьо дуборе э довгlо гъэлхэнд Ватан поют
гуфдире.
Бэгъдовой довгlо варасде, Тамара Давыдовна
гирошдени эри кор сохде э колхоз нум Кагановича.
Е сал кор сохдеи э колхоз песде уре э колхоз вихденуьт звеньевои. Эз песи партие э у тапшуьрмиш сохде гъуллугъ э гlэрей зенгьо
колхози кор сохдеире.
Чор гиле Тамаре Давыдовна бирени бэхшвегир эн сельхоз бирмундеи уре
дори диплом ве дуь мидал ВДНХ. Дуь гиле звеной эн у эз план зевер бегьем сохде бегьер вегирдеире.
Дуьимуьн гиле звеной эн у вегирди диеш буьлуьнде бегьер онгурире, 118 центнер эз е гектар. Ужире жофо доребу ихдиёри эри
бире игид жофой социалисти. Оммо колхоз бегьем не сохдебу гуфдире план пеш-
мире, уре не доренуьт нум гlуьзетлуьи. Уре гьисди дуь мидалгьо ВДНХ. Эз колхоз
Тамара Давыдовна кор сохдеи 1982-муьн сал.
Э руз мигlид Бесгъуни – 9- муьн Май синей Тамара Давыдовна рач сохденуьт
Орденгьо ве мидалгьо: «Орден довгlой Ватани II- муьн степень», мидалгьо
эри «Жофой гlуьзети», «Эри Бесгъун дореи Германиере», «Ветеран Жофо» ве чендигьойгеш.
