Э Фуьрсореи эн хуьшде э Федеральни Гуьрдлеме Сервор Уруссиет Владимир Путин гуфдире э товун герекие зофру сохде шеле венореи э сер хундегоргьо ве тербиедорегоргьо, гъэдэгъэ зере тигъэтлуье тегьер кор сохдеи минкини фуьрсоре е экзамене ЕГЭ те эхир гъобулсохие кампании э вузгьо.

Э и зуригьо эхир хундение сали, э сер вини эхирлуье экзаменгьо эн хундегоргьо. Мидануь угьо э и сал э дес гуьрде минкини фуьрсореи еки эз экзаменгьо ЕГЭ?

Э товун эн гье у гъусо рафде э вэхд вохурдеи Сернуьш Хьуькуьм Уруссиет Михаила Мишустина э рэхьбер Федеральни гъуллугъ э соводи ве гIилми Анзором Музаевым.

Чуьтам мэгIлум сохде рэхьбер э зеверсер идоре, дузе гировундеи бегьем сохде Фуьрсореи Серворе, э телефонгьо Урусобрнадзоре оморе пуьрсуьшгьо. «Воисде гуфдире, чуьки гьемме пуьруьшсохи э пуьрсуьшгьо минкини дореи еки эз экзаменгьо, гировунде. Э и сал гэилгьо э кор венгесде гье у минкини ве вузгьо мидану э хьисоб дешенде и барасире. Гъэдэгъэи Серворе э и сал мибу веровунде»,- гуфдире Анзор Музаев.

Э вэхд вохурдеи пуьруьшсохи гировунде коргьо э зофру биреи бюрократически шеле венореи э сер тербиедорегоргьо.

ГьейсэгIэт тербиедорегор гъэрхунди нуьвуьсде лап омборе гъэдер эхире хьисобе сохде документгьо, гье у не гьишде вэхд эри коргьо э гIэилгорево, э у гъэдер эри хубе фегьмсохи хунелуье гъэрхундигьо. Ве гъэдэгъэи юк сохде тербидорегоргьо биё бу бегьем сохде – эз бохчей гIэили те буьлуьнде хундение идоре.

Сернуьш Хьуькуьм мерэгълуь бире, чуьтам рафде коргьо э и рэхь. Анзор Музаев ихдилот сохди, чуьки герек бири ведешенде келе четинигьоре. Иму э хуьшде не вогосунде федиральни рэхьбергьо енебуге рэхьбергьо соводие идорегьо, имуре э суьфдеи нубод мерэгълуьи бире фикир тербиедорегоргьо, несигIэтдорегоргьо бохчей гIэилии, тербиедорегоргьо буьлуьнде хундение идорегьо.

Суьфдеи коргьо иму гирошде. ГьейсэгIэт э Хьуькуьмлуье Думе корсохие десде доре дузетмиши. Э васалие сессие угьо биё бу гъобул сохде – гье у мибу веровунде, эзу товун ки гьемме разисохдеиэ гировунде.

Э чуь дери мэгIэно и дузетмиши? Дуь министерстворе доре ихдиёри э гуьнжо овурде нуботноме эри тербиедорегоргьо ве тербиедорегорлуье корсохгьо хундение идоре жуьр-бе-жуьрелуье риз гъэдерлуьие соводи – эри несигIэтдорегор, тербиедорегоргьо техникумгьо, колледжгьо ве профессорске-тербиедорегорлуье корсохгьо булуьнде хундение идоргьо.

Иму э корисохи эксперимент винире, чуьки эзуш бэгъэй тербиедорегоргьо, лап шеле веноре хьуькуьм эн серкори соводилуье идоргьо. Э унжо рафде лап омборе гъэдер фуьрсореи пуьрсуьшгьо. Ве э и дузетмиши иму гуфдире: идоре гъэрхунди жугьоб доре энжэгъ э фуьрсореи пуьрсуьше, комики дери э федеральни гъонун.

Э корисохи эксперементе иму винире лап келе четини бестеи э келе гъэдер фегьмсохи комики, гьисди э коргьо эн соводи. Ве и фегьмсохи гировунде, эзуш бэгъэй профильни министерствгьо, ве еккейгегьо идоргьо. Кор мисохим э сер кемсохи гъэдер хэберлуье коргьо, дегиш сохде хэбере э и хэберлуье системгьо ве кемсохи гъэдер фегьмсохи. Бэгъдовой эну чуьтам гъэдер иму зиёд темизсохи, миданим гуфдире, чуьки коргьо э и рэхь бегьем сохде омори»,- гуфдире у.

Михаил Мишустин гъэдэгъэи дори сохде гьеммере, эри э сентябрь, э пушой тозе хундение сал, гьемме пуьрсуьшгьо, бесдеи э гъэдерлуье бине, бире гъэрор норе.