Динлуье межлуьс фуьрсореи тозе оголзерегоргьоре эз Дербенд ве Дербендски районе э гъуллугъсохи э Ерэгъленмишие гъувоте Уруссиетие Федерацие гирошди 24-муьн октябрь 2025-муьн сале. Межлуьслуье корисохи бири э гуьрдбиреие жиге военкомате, эзже э рэхь офдори 16 жовонгьо, комикигьо огол зере омори поизи гирошденигьо сале.

Бэхшвегиргьой межлуьсе бири вожиблуье гъуногъгьо: лешгерие сервор Фарид Мусаев, жигегир серворе хьуькуьме Дербенде Видади Зейналов, сернуьш Несиете келетегьо Гаджимурад Гаджимурадов ве гьемкоркигьо беделе доруние коргьо Руслан Сефербеков.

Фарид Мусаев риз кешири вожиблуьи гъуллугъсохи э лешгери эри жовоние эрхегьо, эрзо нуьвуьсде:

— Гъуллугъсохи э лешгери – гье у хуьшдение кор, комикиревоз мерд биё сикеи соху. Ме зомин дореи, чуьки екиш нисе рафде э жейлее чапарлуье мескен жейлее лешгерие операци. Дуь руз – ве гьер мивегину жигей эн хуьшдере э беделгьо, хьозуьр бире веровунде гъэрхунди эн хуьшдере.

Э нубот эн хуьшде, жигегир серворе хьуькуьме Видади Зейналов руй бире эки жовоние одомигьо э войгеиревоз.

— Лешгер дешенде бинебору хосиете, сохде азадире сэхд ве доре синогъи гьэгъигъэтлуье мердие зиндегуни. Гереки э ёр гуьрде, чуьки гъуллугъ сохде Ватане – буьзуьрге номуси, комикире ишму вегуьрде э хуьшде.

Чоримуьн е гъэдер вэгIэдо поизие оголзереире, комики гирошди инжо, гъувот дореи гьеммишеине войге жовонгьоре вэхуьшде э гъэлхэнди мерэгъгьо вилеет эн имуре.

Э уревоз хуьшден Республике Догъисту муьхькем сохдеи дингьоре хьозуьр сохдеи биёвгьо гъэлхэндчигьоре ве бирмунде хьуьрметлуьи эки э войгей хуьшде гуьреие вихдеи зигьисдегоргьой эн хуьшдере.