Э песини салгьо гъосуьт э войгей хуьшде гуьре-контрактникгьо э СВО бири жейле э вэхд ю герек гьисдигьо. И гьинорменде одомигьо гьисди гьэгъигъэт игидгьо, комики доре гъиметсуьзе кумекии э гъэлхэнди Ватан эн иму.
Э войгей хуьшде гуьре-контрактникгьо возире бинелуье бэхшвегири э гьеймогоьинегьо лешгерие корисохи. Гъуллугъсохи эн угьо кумекии доре секонеисуьзи вилеет, оммо ве мугъоет дошдеи зиндегуни одомигьоре. Э игърол ерэгъленмиш биреи бэхьсе-бэхьсе э войгей хуьшде гуьре бежид бире э пушолуье, бирмунде гьинорменди ве игиди э четине гъозиегьо.
Корисохи эн угьо доре хубте биреи гъэлхэнди ве секонеисуьзи хэлгъэ, дошде шолуми ве гуьнжолуьи. Гье у одомигьо, шиновусде оголзереи э товун кумекии, нисе мунде э лой ве гъэрор норе корисохде, варасире, чуьки хуьшдение гъурбуни мидану дошде зиндегуни еккейгегьоре.
Пиркаибов Пиркаиб Магомедович зенде оморе 20-муьн сентябрь 1988-муьн сал э шегьер Дербенд. У гьисди очугъэ меселен мердьети ве бофолуьи Ватан эн хуьшде. Шивдолуье эн у гьисди эз Докузпарински район, дигьбон Микрах.
Эз жовони Пиркаиб желди хундеи спорте, мерэгълуь сохде боржберире ве кикбоксингеревоз, э комики у, вегуьрде дуьимуьн разряд.
Бэгъдовой варасдеи школере №9 э Дербенд, Пиркаиб э 2014-муьн сал дарафде э КЭиП, э 2018-муьн сал зиёд сохде хундеи эн хуьшдере э ДГУ. Э вэхд студентчески зиндегуни Пиркаиб бирмунде хуьшдере чуьтам желдие бэхшвегир хундение жирей крисохи ве одоми, комики э хуьшде вогосунде жэгlметие зиндегуни. У бири норе сернуьш волонтерски коргьо ве э 2015-муьн сал вегуьрде нум «Студент сал 2015».
Нуботноме бэхшгьо эн у келеи:
-Бэхш дореи соводи эз генерал-майор МЧС
-Бэхш дореи соводи эз министре э коргьой жовонигьо РД
-Бэхш дореи соводи эз сервор шегьер Дербенд
-Бэхш дореи соводи эз рэхьбер КЭиП
-Бэхш дореи соводи эз рэхьбер музее «се дингьо»
Эз 2021-муьн сал, те сер гуьрде жейлее лешгерие корисохи, Пиркаиб гирошде гъуллугъсохи э контрактевоз э шегьер Астрахань э 375-муьн «Жейлее десде оперативни нореи(ОБОН)». Эз сер гуьрдеи (СВО) у бири э пушолуье. Эз меслэхьэт э игид эн имуревоз, иму варасире, чуьки у рафди э СВО эзу товун ки, чуьки гъэлхэнди сохде Ватана – гъэрд гьер мердгьо, гьер одоми Уруссиетие Федераци.
«Хьуькуьм эн иму нисе фуьрсоре имуре э жигегьо гъовхоие гlуьзетлуьи, доре имуре ве кифлетгьой эн имуре минкини вегуьрде кумекии э жире гъово гуьрдение овгъотгьо. Гье у пуллуье кумекии бири вожиблуье кор эри омборе кифлетгьо, комики винире экономически четинигьо.Э сер гъул кеширеи контракте имбуруз гlэилгьо- э войгей хуьшде гуьре вегуьрде евэхдлуье муьзде дореи те 1 млн монет, оммо ве гьеммишеине муьзд жофои эз 200 гьозор монет. Гье у гьишде имуре кумекии доре кифлетгьой эн хуьшдере, доре угьоре гьемме герекии»,- ихдилот сохде Пиркаиб.
Гьэгъигъэтиш, гье у пуллуье динжи гъуллугъ сохде моллуье кумекии ве гене себеб э хьэвес венгесдеи эри угьо кире воисде гъуллугъ сохде вилеет эн хуьшдере. Э игърол четиние экономически минкини дануьсдеи пуле расунде эри дошдеи кифлетгьоре гьисди еки эз бинелуье кор эри э войгей хуьшде гуьре-контрактникгьо.
Не денишире э гьемме четинигьо лешгерие гъуллугъсохи, Пиркаиб гьисди нишонлуье кифлетлуь: бовориние шувер ве гъэйгъукеше бебе. Гlэил эн у зенде омори э вэхд, кейки Пиркаиб бири э СВО, чуьки сохде игиди эн уре омборте вожиблуье. Унегуьре у варасире, чуьки вожиблуье эри контрактникгьо гьисди минкини кифлетгьо эн угьоре эки социальни боворини, пушоки дире дануьсде гъонуневоз. «Гье у дешенде э хуьшде ве медицинеи кумекии, ве минкини вегуьрде соводи, ве кумекии жире жире- бе жирее хьуькуьмлуье программгьо. Зомин дореи, э ихдиёри дореи кифлетгьой эн имуре, доре боворини э себэхьине руз, гьишде имуре, контрактникоре, ки гьисди э зими гъовхои, кор сохде э гъуллугъсохи, дануьсде, чуьки кифлет эн иму э зир гъэлхэнди эз лой хьуькуьм»,- бирмунде Пиркаибов.
Пиркаиб Пиркаибов – гье у одоми, э комики гlэмел миёв пой кешире э чуьниге. Игиди Пиркаибе веди бире э хуьшдере гъимиш несохи ве хьозуьрлугъи гъэлхэнди вилеет ве секонеисуьзи вилеет эн хуьшдере. У бирмунде жуьргlэти ве хьозуьрлугъи эки хуьшденгъурбуни эри гьемкоркигьо ве могьлугъ. Рэхьбери эн у ве гъувотлуье э четиние вэхд верзуьшлуье буьлуьнде хьуьрметлуьи.
Пиркаиб бахшире медалевоз «Бэхшвегир жейлее лешгерие корисохи» ве медалевоз «Э песой гъовхоие сеч сохде дуь эз еки». У гьисди бэхшвегир гъовхоие корисохи.
Эзуш бэгъэй, воисдени бирмунде ,чуьки э войгей хуьшде гуьре-контрактникгьо э СВО гье у гълхэндчигьо, комики хьозуьрлугъи э гьемме эри секонеисуьзи вилеет эн хуьшдере ве куьндигьой эн хуьшдере. Гъуллугъсохи эн угьо кумекии доре пуллуье ве социальни зомин дореи, комики доре хубе зиндегуни кифлетгьой эн угьоре э четине вэхд. Гье у мердгьо ве зенгьо сохде вилеет эн имуре секонеисуьзи. Хьуькуьм доре гьеммере э войгей хуьшде гуьре кумекии ве э гердевегири.
