Гуьрдлеме э пуьрсуьш гирошдеи одомигьоре лешгерие гъуллугъсохи э контрактгьоревоз э Ерэгъленмиш бире гъувотгьой Уруссиетие Федерацие гировунде э першобот, 13-муьн февраль, Сернуьш Хьуькуьм Догъисту Абдулмуслим Абдулмуслимов.
Э гуьрдлеме гъобул сохде бэхшвегири вице-премьер Рамазан Джафаров, секректарь
Несиете Секонеисуьзи РД Магомед Баачилов, нушудорегоргьо Лешгерие комиссариате республике ве гъувотлуье корсохдегоргьо.
Бире пуьруьшсохи пуьрсуьшгьо огол зереи одомигьоре эки гирошдеи лешгерие гъуллугъсохи э контрактевоз э Ерэгъленмиш бире гъувотгьо РФ, гьемчуьн дореи гъэдере
социальни кумекии бэхшвегиргьой СВО ве кифлетгьой эн угьоре.
Э ёр овурде, и пушогьо Серворевоз РД Сергеем Меликовым гъул кеширеи Буйругъ э товун зеверсохи муьзде дореи лешгеригьо-контрактникгьоре. Имогьой евэхдлуье муьзде дореи э сер дешендеи контракте э десдей хьозуьри сохдеи гуьнжуьнде эз 1,5 млн монет. Те 300 гьозор монет зевер бире евэхдлуье муьзде дореи э войгей хуьшде гуьрегоргьоре десдей «Каспий».
Имбуруз Сернуьшевоз Хьуькуьме РД Абдулмуслиме Абдулмуслимовоз гъул кешире омори буйругъноме э товун дореи 310 млн монет эз хьозуьри сохдеи фонде Хьуькуьме республике э жиге овурдеи евэхдлуье пуллуье муьзде дореи бэхшвегиргьой СВО.
