Сернуьш Хьуькуьм Догъисту Абдулмуслим Абдулмуслимов э гировунди гуьрдлеме э товун вожиблуье гъосуьт, рэхь кори ве ёгъинлуье инфраструктури проектгьо, гьеймогьоине тозе сохдеи комигьоки мибу веровунде э хэржи не биригьо ве фуьрсоригьо э республике овгъотгьо, разилуьи э Фуьрсореи Президенте РФ.
А.Абдулмуслимов э ёр овурди, чуьки 29 февраль Президент Уруссиет Владимир Путин э гъэд хуьшдении Фуьрсореи Федеральни Гуьрдлеме Уруссиет фикир дори ведешенде 2/3 гъэрхунди регионгьо э товун бюджетни монети. Гье у руьхсет доре регионе эз 2025-муьн те 2028-муьн сал дошде овгъотгьо эри кумекии доре пул расундеи ве параменди экономике одомигьоре.
«Э сереботи чуь Комитет НесигIиэт Федерацие э экономике политике хосди фикир э товун вожиблуье гъосуьт, рэхь кори ве ёгъинлуье инфраструктурни проектгьо, гьеймогьоине тозе сохдеи комигьоки мибу веровунде э хэржи не биригьо ве фуьрсоригьо э республике овгъотгьо.
Зутеине хэёл сохде мунде гъэдер овгъотгьо эз бараси ведешендеи гъэрхунди республике мибу фуьрсоре э веровундеи инфраструктурни проектгьо. Воисдени шиновусде фикир ишмуре э у бедел»,- гуфдири Абдулмуслимов э оголзере э пуьруьшсохи министргьо вокурдеки гуьрдлеме.
Жигегир-министр э ёр овурди, чуьки эз федеральни бюджет Республике Догъисту зуте бири бегенмиш сохде инфраструктурни бюджети гъэрд э доруние гъэдер 14 млрд монет э дануьсде расундеи пул веровундеи инфраструктурни проекте э товун вокурдеи магистральни гIовижиге «Чиркей-Махачкала-Каспийск» ве гировунде бедел кор э товун тозе сохдеи темизсохи дуьруьжде вокурдеи Махачкалеи-Каспийске агломерацие.
«Имуре веди бири зиёди минкини хубте сохде социальни-вожиби инфраструктуре республике эн иму, унегуьре иму миё бу дануьсде проектгьо суьфдеи нубот гереки гьисдигьо, комигьоки хубте сохде зиндегуни одомигьоре»,- диеш гуфдири у.
Песде бири гуш дошде фикир эз жерге рэхьберсохгьо органгьо хьуькуьм. Э бэшгъэ докладгьоревоз бирмунуши бири суьфдеи сервор Руслан Алиев, врио министре вокурдеи ве ЖКХ РД Александр Нестеров, министр культури Зареме Бутаеве.
Фикир дори эри пул расундеи бири гуфдире э товун проектгьо э отрасльгьо мэгIрифет, э гье у хьисоб дегишсохи, ЖКХ ве культури.
Эз арти пуьруьшсохи эрзо сохде кор ве фикир Сернуьш Хьуькуьм мибу нушу доре Серворе РД Сергее Меликове.
