Гуьрдлеме Зурие бинелуье мескен э идоре гъоимгъувотлуье параменди экономике Республике Догъисту э хьисобсохи буруние войне гировунде жигегир Сернуьш Хьуькуьм РД Рамазан Джафаров.
Бехшвегиргьо пуьруьшсохде барасигьо гъэножогъи региональни ве муниципальни хьуькуьм э руйбиреи одомигьо, гене пуьрсушгьо гуьрдноме систем гIови овурде расунде, гIови бердеи ве герми овурде расундеи шегьере Махачкеле э бине АО «Еклуье оператор Республике Догъисту э гIови овурде расунде ве гIови берде».
Рамазан Джафаров сер гуьрде гуьрдлемере э гофгьо хьэйфбери сохде эз нум гьемме бэхшвегиргьо Зурие бинелуье мескен Сервор Догъисту Сергей Меликов э овхьол муьрде зен – Галины Анатольевны – дедей Игид Уруссиет, капитан Дмитрий Серков, телеф бире э Догъисту э 2007-муьн сал э женг эз бедхэтокоргьорево.
Сер гуьрде гуьрдлемере, Р.Джафаров бирмунде, чуьки хьуькуьм республике зиед сохде коре э пуьрсуьши мэгIлуьм сохде одомире э товун четингьо э зиндегуни.
«Омборе мэгIлуьм сохде гъэножогъи зобуне э кор хуне-комунальни сэхьиблугъи. Гъонине вэхд веди бире кем сохдеи вэхд э мэгIлуьм сохде ве песшендеи хэребире, комики гьисди э унжо.
Бирмундеи тигьэте рэхьбер хьуькуьм, сервор районгьо ве шегьергьо, ресурсоснабжающи идоре, чуьки хэбер э товун войне ве песшендеи хэребеи э коргьо ЖКХ гереки овурде те зигьисдегоргьо республике э вэхди ю»,- гуфдире Джафаров э вокурдеи коре гуьрдлеме.
Эки 4 гьозор руйбире догъистонигьо веди бире э социальни сетьгьо э гирошдигьо орине. Э бирмундеи э товун жугьоб дореи хьуькуьм э руйбиреи одомигьо э социальни сетьгьо ве системе «Инцидент-менеджмент» э гирошдигьо орине бирмунди рэхьбер Бине сервори сохде регионом РД Ислам Мусаев.
Э гуфдирей региональни ЦУР, э гиршдигьо орине хьуькуьм республике э кор венгесде 2 гьозор руйбиреи одомигьо ве гьишде э социальни сети 1852 руйбиреи-ресурсоснабжающи идоре. Гъдер руйбиреи э Республике Догъисту, нуьвуьсде оморе э гирошдигьо орине эз 29-муьн январь те 4-муьн февраль 2024-муьн сал Бине сервори сохде регионом э системе «Инцидент-менеджмент», гуьнжуьнде 3962. Бирмунде э 571 руйбиреи зевер, эз гирошдигьо вэхд, комики оморе э вэхд 22-28-муьн январь.
Бире пуьрсуьшгьо э товун дореи электричество ве хинике гIов. Гуфджире одомигьо э товун рэхьгьо, товуши э корсохдеи светофоргьо, оводунеи сохде жэгIмиетие жиге, норе гIэилие мейдун, ведебердеи хокоруре ве четинигьо э сэхьибсуьзе хьэивуиревоз. Омборе руйбиреи бире э хубе дореи гъуллугъи ЖКХ – 82.
Э Махачкале бире 175 руйбиреи. Песде Кааспийск, Дербент ве Кизилюрт.
Ислам Мусаев ихдилот сохде ве бирмунде кимигьо хубе ве зобуне нишоне жугьоб дореи э руйбиреи одомигьо хьуькуьм.
Нишоне, министерстви транспорт ве рэхье сэхьиблугьи зури-зури бире гъэрор норе четини зигьисдегоргьо дигьбон Семендер шегьер Махачкале, комики хосди тозеден вокурде светофор э жиге, эже вокурде куьрпи, унжо гирошде омборе одомигьо. Коре светофор тозеден вокурде.
Пуьрсуьш гировунде коргьо э гуьрдноме системе гIови овурде расунде, гьови берде ве герми овурде расунде э шегьер Махачкеле э бине АО «Еклуье оператор республик Догъисту э гIови овурде расундеи ве гIови берде» винире э гуьрдлеме Зурие бинелуье мескен.
Жигегир министр вокурдеи ве ЖКХ РД Бахтияр Уллаев ихдилот сохде, чуьки Еклуье оператор э имбурузине руз гьисди «Махачкалински горводоканал» ве «Махачкалински тепловые сети». Гировунде сенигIэткор ОАО «Махачкалаводоканал», ОАО «Махачкалатеплоэнерго» ве ООО «Дагестнэнерго» э кор Еклуье оператор.
Нушу доре эхире гуьрдлеме, вице-премьер хосди бэхшвегир Хьуькуьме РД ве песде бирмунде зевербиреи тигъэте четинигьоре, гъэрорноме комигьоки мибу дануьсде корикумекии доре гъоимгъувотлуь ве зиёдие оморе параменди республик серворгьо муниципальни районгьо кумекие тэгIрифирре дори зуте жугьоб доре э бигIэдотлуье гъозие, ве гъобул сохде гIэмели нисдие корисохи э сереботи песшендеи угьре.
