Э сер декабрь э Москов э зир рэхьберьети эн Министр эн де вилеетигее коргьо эн Уруссиетлуье Федерацие Сергей Лавров гировунде оморебу 5-муьн гуьрдлеме эн ГIэрейведомственни комиссие э товун прикаспийски еклуье корисохи. Э гуьрдлеме бэхш вегуьрдебируьт нушудорегоргьой эн федеральни органгьо ве серворгьой эн прикспийски регионгьо: эн Астрахански область, эн Республикей Догъисту ве эн Республике Калмыкие.
Фегьм сохде оморебу пуьрсуьшгьой э кор венгесдеи уруссиетлуье миллетлуье мерэгъгьоре э регион эн Каспийски дерьегь, э и хьисоб хьозуьрлуьгъи эки Хьофдимуьн каспийски саммит ве параменд сохдеи корлуье еклуье корисохире. Гьемчуьн тогIин сохде омори десдей эн ЖгIметлуье фегьмсохие меслэхьэт эки Комиссие.
Э нушудии хуьшде Сергей Лавров гуфдири, меселен, ки параменд сохдеи гьемметарафлуье кори сохдеи дуь э екиревоз э вилеетгьой эн Каспийски регионевоз суьфде нуботлуьигьои э буруние политике чуьн вожиблуье бэхш эн гуьнжуьнде оморенигьо евроазийски тегьер еклуье корисохи ве секонесуьзи. Гуфдире оморебу э товун бофолуьи эн уруссиетие тарафе тогIин сохде оморигьо э Конвенцие э товун ихдиерлуье овхьолет эн Каспийски дерьегь эн 2018-муьн сал, э суьфдеи нубот э товун эн пенж прикаспийски хьуькуьметгьо э гъэрор сохдеи гьемме пуьрсуьшгьоре, расиренигьо э Каспийски дерьегь.
Гьемчуьн хуб гуфдире оморебу э товун синогъи гировундеи Каспийски рэгъэмлуье форуме э комики бэхш мивегинуьт нушудорегоргьой эн каспийски вилеетгьо.
Э Догъисту у гировунде оморени се сал дуь э песой еки. Форум бири мескен эн корлуье говсохигьо э гIэрей Уруссиет ве эн хьовиргьой эну э Каспийски регион эри э гуьнжо овурдеи рэгъэмлуье экосистемере эри каспийски еклуье корисохи.
Эри республике параменд сохде хэйрлуье еклуье корисохире э прикаспийски хьуькуьметгьоревоз бу ве мундени вожиблуье верзуьшлуьи. Э гъувотдореи ве кумекии эн Министерство эн де вилеетигее коргьо эн Уруссиет регион вокурдени дусдлуье гъэножогъигьо э гьемме прикаспийски хьовиргьоревоз ве хуьшдени ю гуьнжуьндени хэйрлуье гIэрейхэлгъие жигегьо.
Жейлее тигъэт доре оморени хубте сохдеи жергей гъонунгьоре э тараф экологие, параменд сохдеи гъэреул сохде оморенигьо мескенгьоре, хутебиреи эки дегишигьой гьово.
Э хьисоб вожиблуьгьо – серхьэдлуье еклуье корисохи э бэхшвегири маркетплейсгьоревоз.
Э везифей параменд сохдеи рэхьмегъуншие гъэножогъигьоре, дегиш биреи э синогъиревоз э тараф дошдеи миллетлуье базургендире, гIэдотгьой хэлгъгьоре э гIэрей вилеетгьо, э гуьрд сохде оморигьо еклуье дерьегьлуье жигеревоз, гировунде оморени концертгьо ве томошегьо эн десдегьой эн гъирогъдерьегьлуье регионгьо эн хьуькуьметгьой эн Каспийски дерьегь. Эзуш бэгъэй, Догъистуре гьисди омбаре минкингьо э мухькем сохдеи идмонлуье олгъигьоре э вилеетгьой эн Каспийски хьэвуьзевоз.
