21-муьн май сервор Догъисту Сергей Меликов гировунди гуьрдлеме э товун э вэхд ю герек гьисдигьо пуьрсуьшгьо.
Э гъэд пуьруьшсохи пуьрсуьшгьо э у хьисоб – тигъэти дори органгьо хьуькуьм э руйбиреи инсон, э кор венгесдеи миллетлуье проектгьо ве кумеки дореи зигьисдегоргьоре, муьшкуьллуь биригьо эз товун ЧС э Буйнакск.
Гьевел чуь гирошде эки четинигьо, сервор регион поисди э вожиблуье гъозие-гъэдер гирошдигьо орине гъосуьт культури ве спорте.
Гьечуь юбилей жэгIмиетлуье шогьире Сулейман Стальски Сергей Меликов нум дори келе мигIид не энжэгъ эри вилеет ашуге, оммо ве гьемме Догъисту:
«Э у руз юбилейни жире кор гирошди чуьтам э Догъисту, гьечуь ве э песой эхиригьо эну. Воисде ми согъбоши гуфдире э гьеммееки гуьнжоовурдегор. Э ватан шогьире э Сулейман-Стальски дигьбон бисдо жэгIмиетлуье мигIид э омборе гъэдерлуье инсоневоз».
Сернуьш Догъисту дори тигъэти ве э бараси «Динамо», комики суьфдеи гиле э торих ведарафди э премьер-лиге:
«Эн иму э ишмуревоз жэгIмиетлуье десде эз вэхд зуте гъэронмиш сохди ихдиёри возире э буьлуьнде дивизион. Иму вогордундейм гIуьзет догъистуни футболе, вегуьрдейм минкини гъобул сохде э ён хуьшде нум гьисдигьо уруссиетие клубгьо. Гье у келе гезиши эри гьемме догъистуни спорте»,- гуфдири С.Меликов.
Э товун тигъэти дореи органгьо хьуькуьм э руйбиреи инсон
Э гъэд гирошдигьо орине ЦУР Догъисту нуьвуьсде омори угьоре омборте 1,2 гьозор.
Чуьтам мэгIлуьм сохди суьфдеи жигегир Рэхьберсохи Хьуькуьме Сервор ве Хьуькуьм РД Махач Омаров, э органгьо веровундегор хьуькуьм фуьрсоре омори 159 руйбиреи, э муниципалитетгьо – 434 руйбиреи э жиге жире-бе-жирее овгъотрасиреи идорегьо – 153.
С.Меликов, андуьрмиш сохди гъосуьт руйбиреи инсон, гъуллугъ дори дузетмиш сохде у коре, ведарафдеи эз гьисдигьо жире гъэножогъи.
«Ме руй биреи эки гьемме нушудорегор органгьо хьуькуьм: герек нисди инсоне гъонгъуши имид доре! Э гьерки э жейлеи гереки меслэхьэт сохде ве доре гъэгъигъэтлуье жугьобгьо, дерсгьо хьозур сохдеи э кор венгесде гье у руйбиреи»,- гуфдири С.Меликов ве гъэдэгъэ дори премьер-министре республике вегуьрде э фегьмгери гъэрорноме и везифегьо.
Э товун бесде игърол хьуькуьмконтракте э гъэд миллетлуье проектгьо
Э Догъисту зиёд сохде веровундеи 14 миллетлуьепроектгьо. Э товун, чуьтам гирошде и кор, гуфдире суьфдеи вице-премьер эн регион Руслан Алиев.
Суьфдеи жигегир сернуьш хьуькуьм мэгIлуьм сохде, чуьки э гъэдэгъэи Сервор Уруссиет зиёд сохде дешендеи коргьо эри асантбиреи сохде эри одомигьо хьуькуьмкумеки.
Эрзо одомигьо мидану доре эз хьуькуьмгъуллугъ енебуге МФЦ.
Гьемме корсохгьо, комики норе гъэдер кумеки, гереки гуфдире э одомигьо э товун е гъэдер вэгIэдо фэгьм сохдеи эрзо энуре.
Э товун ниссохдеи эзуновлейге бире гъозие ЧС э Буйнакск ве муьзде дореи моллуье кумеки эри буланмиши кеширегьо одомигьо
И четинире, э гофгьо С.Меликова, мибу е сал, оммо гъелемиш у нисе гъэрор норе бегьем. Э жиге руйбиреи одомигьо омори жерге эрзогьо эз зигьисдегоргьо Буйнакск, девлет эн ки бири пучи сохдеи, оммо кумеки угьоре нисе дори.
«Иму зуте гировунде дегиши бюджете, эри чуь гъэрор норе э муьзде дореирево. Ве эри чуь угьо нисе омори те гьемме, эри ки гереки?»- дори пуьрсуьш С.Меликов сервор шегьере Исламудину Нургудаеву.
Э гофгьой сервор Буйнакск, э хэребеи-тозеденсохдеи коргьо хэребие хунгьо хьуькуьм регионе бири пушоки дире дануьсде 24 млн монет, эки 2 млн монет дори шегьерие хьуькуьм эн серкори. Коргьо э гьемме 11 хунгьо муниципальни соводие идоргьо, комики буланмиши кешире эз тегерг, бегьем сохде: дегиш сохде буне, гировунде гъуьчсохие коргьо. Э келе хунгьо дегиш сохде 10 бунгьо, эз 33 хэреби бири тозе сохде э гъувот эн рэхберисохие компание.
Э имбурузине руз моллуье кумеки вегуьрди зигьисдегоргьо 2279 хунегьо.
Угьониге пуьрсуьшгьо
Э гъэд гуьрдлеме сервор регионе гъэдэгъэ дори э гуьнжо овурде корие десде э хьозуьрлугъи эки конференции «Ёр догъи», гIуьзетсохи пуьрсуьшгьо бэхшвегиргьо СВО.
Э у э вокурде жире мибу пуьруьшсохи, комики дегмиш бире лешгериоре ве кифлетгьоре. МэгIлуьмети сохде рэхьбер субъекте ве э товун дегиши корсохгьоре э хьуькуьм. Александр Нестеров рафде эз кор министре вокурдеи ве ЖКХ Догъисту. Веровунде коргьо рэхьбери ведомстве жигегир министре Бахтияр Уллаев.
