Консервни прмышленности Догъистуре гьисди э е гъэдер вэгiэдо желди тозе сохдеи ве тозеден вокурдеи. Не денишире э омборе кемсохи доруние гъэдергьоре молеведешендеигьоре э барасигьо экономически четинигьо эхири гирошдигьо садсалире, регион гене вегуьрде вожиблуьи э коргьой хуреклуье промышленности. Хьуькуьмлуье кумекии, комики фуьрсоре омори э дореи пуледореие мерэгъе ве хубте сохдеи технологически коргьоре, возире бинелуье жиге э тозеден сохдеи и коргьоре.
Торихие гъозие
Те лов биреи СССР Догъисту вегуьрде серворие жигегьо э гъэд уруссиетие регионгьо эсер доруние гъэдер молеведешендеие мейво-хьэвуьжлуьеконсервогьо. Оммо экономически дегишигьо сергири 1990-муьн салгьоре овурди эки сэхд сохдеи омборе дуьруьжде корхонегьоре, чуь зобу бири э жигее хозяйствой дигьбони ве э гьеммей экономике. Песде и гъозие дегиш бири э хотур кумекии жиге хьуькуьмгьо ве овурдеи жейлее капитале.
Гьеймогьоине войгегьо
Имбуруз э Догъисту веровунде жергей гъэдергьо, комикигьо фуьрсоре омори э тозе вокурдеи ве параменди косервни промышленности. Вожиблуье рэхь гьисди тозе сохдеи технологие ве тозе сохдеи гьисдигьо корхонегьоре. Меселен, корхонегьо, комикигьо бэхшвегири сохдеигьо э региональни программе кумекии , вегуьрди минкини восдореи гьеймогьоине оборудовании, комики доре лап хубе хьозуьре молгьоре ве барасие э кор венгесдеи овгъотгьоре.
Еки эз очугъэ меселен барасире гьисди коргьо Кикунински консервни корхоне. Бэгъдевой сэхд сохдеи э сереботи пуллуье четинигьоре корхоне бири тозеден вокурде ве барасилуьи тозе сохдеи корисохи эн хуьшдере. Э гьонине вэхд у вегуьрди омборе бэхше фурухдение жигегьоре, э пушо норе лап хубе консервегьоре ве дишове молгьоре.
Вожиблуье тараф гьеймогьоине политике регионе гьисди дореи пуллуье кумекии корсохгьоре.Субсидии сэхд сохде бедел хэржигьоре э восдореи тозе технологически оборудовании, комики гьишде зиёдте фирегь сохде молеведешендение минкинигьоре ве доре буьлуьнде риз секонеисуьзи молгьоре. Ижире гъэдергьо сохде и коргьоре э хуьшде вогосундеи пулдорегоргьоре ве э гуьнжо овурде минкинигьо эри гъоимгъувотлуье зевер биреи.
Пуьрсуьшгьо экологие ве хубигьо
Жирелуье тигъэти доре омори пуьрсуьшгьоре экологически темизи корхонере.Дешендеи гьеймогьоине нишонегьо НАССР доре фегьмсохи гьеммей е гъэдер вэгiдо хьозур сохдеи молгьоре, сер гуьрде эз вечиреи хоме моле ве вараасде депучундеревоз хьозуьре молгьоре. Э товун эну молгьо догъистуние консервни корхонегьоре сеч биреи дуь эз еки лап хубе молгьоревоз ве герекии э доруние ве буруне фурухдение жигегьо
Эзуш бэгъэй, жейлее гъэдуьр гьисди географически жиге Догъистуре. Жирелуье гьовое минкинигьо ве мейвохьэсуьллуьи гьишде дошде ведировунде экологически темизе мейвогьо ве хьэвуьжгьо, комикигьоре гьисди лезет. Гье у гьисди вожиблуьи эри догъистуние молгьо.
Пушокие фикир ве гузети
Сэнигiэткоргьо гузет сохде песдеине зевер биреи доруние гъэдере молеведешендеи мейво-хьэвуьжлуье консерворгьоре. Э куьндие вэхд э пушо нори омборе фирегьсохдеи молеведешендение бине жергей корхонегьоре, комики кор сохде э догъие регионгьо. Э хотур пуледореи ве хьуькуьмлуье программегьо кумекии чуькле фермерски сэхьиблуьигьо мидану э гуьнжо овурде хуьшдение э кор венгесдеи вечиреие бегьере, чуьки миду гене корисохие жигегьо ве зевер сохде хэзенжгьой могьлугъгьоре.
Хубе коргьо ведибири э вихдеи ве дошдеи мейвогьоре. Тозе технологие гьишде зофру сохде вир сохдеи молгьоре ве зевер сохдеи вэхде гiэмеллуье молгьоре. Гьеммей эни коргьо доре минкини эри дарафде догъистуние молгьоре э гiэрейхэлгьие фурухдение жиге.
Эри зевер биреи э хуьшде вогосундеи молгьоре хьуькуьм везифе нори параменди сохде инфраструктурере. Гьечи молеведешендегоргьо вегуьрди руьхсет эки бирмундеигьо ве ярмаркегьо, чуьки гьишде бирмунде молгьой эн хуьшдере эри восдорегоргьо.
Жейлее-рэхь-э кор венгесдеи тозе ризе молгьоре, комики гьисди гiэрейхэлгьие талаби ве стандартгьо. Везифе нори желди пушобери бренде «Сохде омори э Догъисту», комики бирмунде хуби догъистуние мейворе ве хьэвуьжгьоре.
Эхири
Параменди консервни промышленности э Догъисту бесде омори э жергей хубе гъозигьо, эгъэд эн угьо хьуькуьмлуье кумекии , э хуьшде вогосундение пуледореие минкинигьо ве хубе тибетие овгъотгьо. Регионе гьисди гьемме герекие минкинигьо эри пушобери молгьой эн хуьшдере э фурухдение жигегьо. Песдеине параменди мибу гиров хушхьолие дигьбоние жигегьоре, хубте биреи зиндегуни хэлгъэ ве муьхькем сохдеи Догъистуре э гъэд уруссиетие аграрни комплексе.
