Э Догъисту 8-муьн мая мибу мигIид хэлгъие мэгIрифет «Эри Игидгьо Уруссиет гIуьзетсохи» э гъэд гранте Сервор Республике Догъисту э кумеки дореи корисохи э сер параменди бире миллетлуье культуре эн Догъисту.

Жирелуье ватанхогьилуье проекте, гуьрд сохдеи Республикански хуне хэлгъие гуьнжуьнде оморе чи Министерстве культуре РД, фуьрсоре э несигIэтдори вероморение эрхэ хьуьрметлуьи эки довгIои гIуьзет ве ёровурди игидгьо; боворини, миллетлуье сикеи э песой Ватан эн хуьшде; хьуьрметлуьи эки торих республике эн хуьшде, вилеет.

МигIид гуьрд сохде э идоре сенигIэткорлуье ве хуьшдерекорисохи э гуьнжо овурделуье корсохгьо, веровундегоргьо, жовоние шекуьлгьо, усдогьо хэлгьие художественни ветэгъэгьо ве усдоети эз шегьер Махачкале, Дербенд, Избербаш, Хасавюрт, Акушински, Буйнакски, Дахадаевски, Казбековски, Кайтагски, Каякентски, Ногайски, Сергокалински, Табасарански, Тарумовски районгьо.

Мескен художесвенни-гуьнжуьнде оморе чи проекте мибу шегьергьо Махачкеле, Буйнакск, Каспийск.

Э программе мигIид бире гиргинее шулхьон э бэхшвегири корсохгьо культуре ве мэгIрифет, студенчески жовонигьо; бирмундеи молгьо усдогьо хэлгъие художественни ветэгъэгьо ве усдоетигьо э мастер-классорево; арт-мескен эри гIэилгьо «Шекуьл кеширеи гIуьломе»; бирмундеи э гуьнжуьнде оморе чи корисохгьо эри лешгергьо ве кифлетгьо эн угьоре; гала-бирмундеи мигIиде «Э игидгьо Уруссиет гIуьзет сохде». Бинелуье гъосуьт бирмундеи мибу гъосуьт муьгъбети эки Ватан ве хьуьрметлуьи эки игидгьо.

МигIидлуье коргьо пур сохде жовоние желди. Еки эз корисохи проекте мибу флешмоб э фирегь лов сохдерево бейдогъ Уруссиете, э комики гъобул сохде бэхшвегири дениширегоргьо ве бэхшвегиргьо эн мигIиде.

Везифе норе, чуьки корисохи проекте сер кешире корсохгьо культуре ве мэгIрифет, кадетгьо, кифлетгьо эн лешгерчигьо, студентчески жовонигьо, омборегIэлие кифлетгьо, хундегоргьо, волонтергьо.