Офтолуье электростанцие гъиметлуье 6,5 милрд монет миё бу дешенде э кор эки 2025-муьн сал э дорум Догъисту. Уре сер гуьрди вокурде. Гьемме э куьндие салгьо э Догъисту мибу чор офтолуье элктростанци. Эзуш бэгъэй корисохдеие э Каспийск ве Южно-Сухокумск, СЭС мибу э Дербенд ве Ногайски район.

Пулдореи проект э Догъисту веровунде компани «Солар системс» — еки эз келе энергетически компании вилеет э коргьой офтолуье энергетике. Гъувотлуьи гье у офтолуье электростанции э Дербентски район республике – омборте 100 мегаватт, гьисди лап келе СЭС э регионе ве сеимуьн э гъувотлуьи э вилеет. Гьемме офтолуье ве кулокеэлектростанци гьисди э дорум вилеет, эже омборе офдолуье рузгьо э сал ю, кулокгьо пуф доре эз догъгьо ве эз дерьёгь.

Дербентски СЭС э Догъисту вокурде оморе э лап келе жиге э е ченд дегьигьо гектаргьо. Э гьонине вэхд гировунде гемме хьозуьрлугъи э пушой вокурдеи, э у гъэдер геодезически бэхш сохде мескене, сенигlэткоре гешдеи ве офдеи мэгlдонгьой хориире буругъ векендеи, разилуье вегуьрдеи технологически екбиреи, сер гуьрде коргьо эсер хьозуьрлугъи мескене. Э вокурдеи СЭС кор сохде зеверте 200 одомигьо.

Суьфдеи офтолуье электростанции э гъувотлуьи еки мегаватт э Догъисту веди бире э 2013-муьн сал. У бири вокурде э Каспийск ве барасилуьи кор сохде те имбурузине руз.

Э Догъисту э гуьнжо овурде хубе игърол эри бинелуье энергетически компании. Гереки кумекии доре рэхьбергьой регионе. Вокурдеи объектгьо ВИЭ доре регионе тозе корисохие жигегьо. Э 2022-муьн сал хэржисохи электроэнергии э Догъисту зевер бире молеведешендеи э 3,8 милл киловатт-сэгlэт. Вокурдеи тозе объектгьо электроэнергетике гьишде тозеден вокурде вес нисдие доруние гъэдере.