Регион мивегину гене овгъотлуьи эри параменди инфраструктуре
Сернуьш Хьуькуьм РД Абдулмуслим Абдулмуслимов гировунди гуьрдлеме э сер эз гурунди гирошде инфраструктурни гъэдерлуье терг э гъэд веровундеи Везифегьо социально-экономически параменди Республике Догъисту те 2030-муьн сале. Абдулмуслимов э
ёр овурди, чуьки Догъисту гъобул сохди вожиблуье геостратегически жиге э Везифе фирегъунетегъерлуье параменди РФ, чуьки доре регионе гене федеральни овгъотлуьи эри гъэрорноме бинелуье инфраструктурни четинигьо. Бинелуье рэхьгьо дешенде параменди коммунальни инфраструктуре, хубте биреи гlоведореи, вокурдеи гирошдение минкинире.
Премьер-министр риз кешире гереклуьи э хьисоб дешенде вожиблуьи ве войге федеральни Везифегьо э сер веровундеи республикански программегьо ве проектгьо. Вожиблуье стратегически когъоз мунде Везифегьо социально-экономически параменди те 2030-муьн сале, э гъэд комики тогlин сохде Везифегьо корисохигьо, фуьрсо-
ре оморе э диеш зуте сохде параменди экономике ве социальни коргьоре.
«Разилуье гьисдигьо Везифе, Республике Догъису гьисди вожиблуье жирелуье е гъэдер мескен, чуь зутеине хэёл э кор венгесдеи жирелуье риз гъэдерлуьи пул расундеи ве дорени минкини параменди регионе э про-
граммегьо параменди, эри коминигьо
доренуьт федеральни овгъотгьо. Гьечи биренге, хьэсуьл оморе минкинигьо
гъэрор норе гье и четинигьоре, э коминигьоки э региональнигьо бюджетгьо овгъотгьоре вес нисди.
Э меселен, — гье и параменди гъуллугъсохе эки гуьнжуьндеи иловлере, дануьсде расунде э могьлугъ хубе гьенжирение гlов, вокурде гирошденигьо ве логистикеи божеренемэгlрифет э у хьисобевоз гlэрейхэлгъие транспорти сиро «Софун – Дорум» ве екигегьо рэхь кори эки гуьнжуьндеи иловлеи парамендире», — мэгlлуьм сохди премьер-министр РД.
Бинелуье рэхьгьо инфраструктурни параменди – гlоведореи, гlовеведебердеи, энергетике, транспорт ве
экологие. Э гъэд Везифе веровунде 9 дуьруьжде корисохигьо ве 27 объектгьо, 7 эз угьо бегъемини, 44 гьисди э вэхд веровундеи.
Министр экономике ве жигее параменди РД Гаджи Султанов мэгlлуьм сохде, чуьки э кор венгесде проект гъонуне э товун дебердеи дегиши э Везифегьо-2030. Везифе норе диеш зуте сохде параменди бинелуье могьлугъ-
луье жигегьо, тозе сохдеи электроэнергетикере, газификацире, параменди хозяйствой дигьбони ве сафари.
Эз 2022-муьн сал э республике
веровунде омори 10 дуьруьжде пуледореие проектгьо, дешенде э кор венгесдеи корхонегьо э сер молеведешендеи шишелуье пуфдеди, медицини кислороде, вокурдение гъэруьшуьгъгьо, онгуре э кор венгесдение комплексе ве хьэвуьждошдехонегьо. Э вэхд веровундеи гьисди 5 герекие проектгьо,
дешенде вокурдеи кулокие электростанции, сафарчие комплексе ве индустриальни бине.Э гъэд Республикеи пуледореие программе эз 2021-муьн э сер 2024-муьн салгьо вокурде омори 22 объектгьо гlовдореи гьеммей дуразовуне гировундеи 330 км 18 муниципалитетгьо. Э 2025-муьн везифе норе
бегъем сохде жергей гlовгировундение
объектгьо, э у гъэдер «Кайтаг-Дербенд».
Энергетически инфраструктуре параменд бире э песой хьисоб вокурдеи чуьшмелуье ве кулокие электростанции. Газедореи регионе берде желди – эз 2022-муьн сал деберде 33 объектгьо дуразовуне гировундеи 404 км, э
2025-2027-муьн салгьо везифе норе пуледореи 13 объектгьоре.
Нушудорегор Серворе РД э Хэлгъие
Гуьрдлеме Нюсрет Омаров бирмунди
вожиблуьи комплексни параменди жигегьо, тозе сохдеи жэгlметие транспорте ве везифегьой Догъисту э миллетлуье проектгьоревоз.
Абдулмуслимов гъэдэгъэ зери тозе
сохде гьисдигьо э инфраструктурни проектгьо, веди сохде секонеи ве
хьозуьр сохде фикиргьо э векендеи
инфраструктурни гъэдерлуье терггьо. Э бине и гьисдигьо Министерстве экономике РД э кор венгесде проекте дегишигьо э Везифегьо социальни-экономически параменди республике те 2030 сал.
