Э Руз гьеммехэлгъие ёровурди гъурбуни Келе Ватание довгIой ве нисд сохде белорусски хэлгъе э Шумилински торихие-улкелуье бирмунде (Витебски областе) гирошди корисохи «Мугъоет дошдеи ёровурди.Дошде шолуми» э бэхшвегири нушудорегоргьо райисполкоме, жэгъIметие идорегьо ве корхонегьо, жовонгьо.
Эки гье у вэхд омори э улке Исай Иллазаров, невей бэхшвегир говлеи Шумилински улке Исае Иллазаровиче Илллазарове, комики гьобул сохде бэхшвегири э гъовхо э песой кент Карташи Ловжански кентнесиет. Гъуногъ согъбоши гуфдиреи шумилинцеворе э песой э ёр гуьрдеи гьеммеекире, ки хилос сохде гъовумлуье улке эз дуьшменгьо, э песой гъуллугъ сохде сенгъ ёровурди ве бирорие битехьэим сохде. Шумилинцегьо гьобул сохде бэхшвегири э Гьеммебелорусски мунут сессуьзи. Иму э ёр гуьрде гьеммере, ки 80 сал э зир шолумие асмун.
80 сал э зир шолумие асмун
Шумилински улке 23-муьн июнь фирегъ гIуьзет сохде 80-сали хилос биреи эз немци-фашистски гъупермишчигьо.
Э мигIидлуье вожиблуье эри Шумилине руз гъобул сохде бэхшвегири: одомигьо Великолукски улке Уруссиетие Федераци э сервори э жигегирево рэхьбер хьуькуьм эн серкори районе Елене Демьянчук; сервор Бине миллетлуье культуре э нум Игиде Союзе Совети Исае Иллазарове э Москов. Исай Иллазаров; корсох Палате нушудорегоргьо Миллетлуье гуьрдлеме Республике Беларусь Александр Стома; корсох Витебски областни Несиет корсохгьо сернуьш Бинелуье рэхьбери э дошдеи жунсогъире Витебски облисполкоме Михаил Вишневецки; корсох Несиет Республике Миллетлуье гуьрдлеме Республике Беларусь рэхьбер Бине культуре «Витебск» Глеб Лапицки.
Межлуьс сер гуьрде эз бирмундеи довгIоие оркестре 103-й Витебски гвардейски эверлуье-десантни десде. Песде э омборекбуирево эки э жиге бирегоргьо руй бире сернуьш райисполкоме Сергей Галынчик.
«Гурунде синемиши эри бебегьо эн иму, келе бебегьо эн иму бири Келе Ватание довгIо,- гIуьзет сохде сервор районе.-Гьер сеимуьн зигьисдегор районе нисе омори эз довгIо. Нисд сохде 164 кентгьо, хьэшд-гьемме э зигьисдегоргьорево. Ёровурди э товун гье у вэхд те имбурузине вэхд оголе жугъоб доре нечогъэ э гьер кифлет шумилинцгьо. Сессуьзе шогьодгьо терслуье довгIоие вэхд э е гъэдер мескен районе гьисди 125 жиге гъовхоие ве лешгерчие гIуьзет, 63 лешгерчие битехьэим. Гъэрхунди эн иму – дошде ве гировунде хэлефгьо эн имуре ёр э товун игидие одомигьо келетегьо эн иму, комики э гъэлхэнд поисде хилоси ве бимихьтожи Ватан эн иму».
Эки шумилинцгьо руй бире гьемчуьн Елене Демьянчук, Исай Иллазаров ве Александр Стома.
Бэгъдовой омборекбуи сер гуьрде мигIид-десдегешди «ГIуьзет нисе торики зере, игиди – зигьисде!».
Десде гъоволчигьо ве мажоретгьо; «Очугълуье» Шумилински ДШИ; гIэлемгир э бейдогъевоз 348-го гуниле зереие десде 51-й гуниле зереие Витебски Гъирмизине Лешгер 3-го Белорусски лешгер, хилос сохдие районе эн имуре; нушудорегоргьо жэгIмиетие идорегьо ве гуьрдноме; ки дори гъэрхундире Ватане; ки берди гъуллугъ э шолумие вэхд ве э герме жиге вилеет.
Э эхир корисохи бири венореи гуьлгьо э бирорие гъовре. Нушудорегоргьо райони хьуькуьм, гъуногъгьо, жиге зигьисдегоргьо, келетегьо ве жовонигьо э ёр овурди телеф бирегоргьоре э песой хилос сохдеи Шумилине мунут сессуьзи.
