Рэхьбер Хьуькуьм Республике Догъисту Абдулмуслим Абдулмуслимов э 30-муьн марта, гъобул сохде бэхшвегири э межлуьс фирсореи 42 ек тозе санитарни автотранспорте медицински идоргьо республике.
Э корисохи гъобул сохде бэхшвегири серворлуье духдиргьо бинелуье софхоне, комики бире доре очор эн килит, министр дошдеи жунсогъире Догъисту Татьяна Беляева.
Тозе автомобильгьо бире бирмунде э бинелуье мейдун шогьнишон республике, кимигьо эз угьо э рэхь офдоре э дуре догъие кентгьо эн республике.
Сервор кабмина гьеммееки э жиге бирегоревоз фегьм сохде гьово автомобильгьо ватани корхоне.
Гьисдигьо транспорт гереки эри бердеи нечогъоре ве медкорсохгьоре, биологически молгьоре ве фегьм сохдеи, бердеи дермугьоре ве еккейге герекие Догъистуние софхоне ве поликлиник, э у гъэдер дурре районгьо регионе. Чуьтам гуфдире Сернуьш хьуькуьм республики восдореи транспорте сохде Минзрдавом РД э гъэд проекте тозе сохдеи суьфдеи десде дошдеижунсогъире миллетлуье проекте «Жунсогъидошдеи». Эри зигьисдегоргьо дуре районгьо те эхир 2024-муьн сал мибу шелле веноре 158 ек санитарни автотранспорте (эз угьо имбуруз) э 178 млн монет.
Вегуьрде очоре эз тозе транспорт, рэхьбере духдир Гумбетовски бинелуье районлуье софхоне Патимат Абдураупова гIуьзет сохде, чуьки гене е санитарни транспорт – хубе кумеки эри жунсогьии могьлугъ Гумбетовски районе. «Гье у гьишде имуре бире куьнд эки нечогъ, омборте сер кешире угьоре. Имбуруз Хьуькуьм РФ кумеки доре социальни программере. Эз миллетлуье проектгьо гъуьчсохте оморе 6 фельдшерски пунктгьо, вокурде еки тозе. Э дуре гьуьндуьре догъие кентгьо, эже гьевел э гIэсб дениле рафде расире духдиргьо, имбуруз гIмел миёв оморе э мошин, доре кумеки, меслэхьэт дореи, песде дошде гьеммере электрони бине»,- гуфдире рэхьбере духдир.
Э нубот эн хуьшде, рэхьбер Хасавюртовской бинелуье районни софхоне Шамиль Минатулаев гуфдире, чуьки имогьой гьемме софхонгьо эн районе доре транспорте: «Э Хасавюртовски улке 13 софхоне, 17 духдирие амбулатории ве 24 фельдшерски-акушерски софхоне. Э хотур чуьки иму сэхд сохде михьтожи э автотранспорте э гьемме 13 софхонгьо. Ве гьемме диализни нечогъгьо, имуре угьоре 48 э Хасавюртовски улке, гьемме угьо вегуьрде хубе кумеки э жире рафдеи эз софхоне те диализни бине ве песово вогошдеи. Гье у бире э орине 3 гиле»,-гуфдире Минатулаев. Э эхир корисохи Абдулмуслим Абдулмуслимов войге сохде эри гьемме духдиргьо бэхд ве барасигьо э сенигIэткорлуье корисохи эн угьо.
