Э Догъисту э зир рэхьберисохиревоз Фёдоре Щукине гирошди гуьрдлеме, комики гIуьзет сохде омори хьозуьрлугъи корсохгьоре эри экономике регионе.Бинелуье тигъэти доре омори веровундеи гъэдэгъэигьоре серворе Уруссиете Владимире Путине эсер артигьо гуьрдлемере Госсовете, комикигьоре гъобул сохди вожиблуьи эри социально-экономически параменди республике.

Госсекретарь Догъисту Нусрет Омаров МэгIлуьм сохди э товун э гуьнжо овурдеи корие десдере эри разилуьи коре эсер хьозуьрлугъи сенигIэткоргьоре.

Бири фегьм сохде бинелуье рэхьгьо:

Хубе соводи: э пушо норе омори дегиш сохде жирегьо гъиметдии колледжегьоре ве вузгьоре, э хьисоб дешенде неки жофо кеширеи, оммо ве зурие ведарафдеи э кор, корисохи э сенигIэтевоз ве гъэдер муьзде.

Пушокие фикир гереклуьире: те 2032-муьн сале э гуьнжо овурде омори пушокие фикир, комики мибу бинеревоз эри гъобули студетгьоре.

Корикумекии дореи жигере эри кор: дешенде оморе тозе жирей корисохи сенигIэткорире, э кор венгесде Гьеммеуруссиетие пуьрсуьш коредорегоргьоре эри коргьо э корсохие бинегьоревоз.

Хубтее синогъи: э Догъисту уже веровунде оморе «бесшовни» системе хьозуьрлугъи корсохгьоре э бинелуье корхонегьо э гъэд проекте «Профессионалитет».

Пуледореи ве инфраструктуре: э республике веровунде оморе экуьнди 100 пуледореие проектгьо, комикигьо э гуьнжо овурде 28 гьозор корие жигегьоре.

Жигегир серворе Минэкономразвитие Адильхан Ахмедов бирмунди, чуьки э и сал Догъистуре гереки экуьнди 1,3млн сенигIэткоргьо, оммо дегиш сохдеие гереклуьи зевер сохдеи 18 гьозор.

Омборте гереки корсохгьой медицине, механикгьо, тербиедорегоргьо ве операторгьо сельхозтехнике.

Премьер-министр Магомед Рамазанов риз кешири вожиблуьи дузие гъиметдии гереклуьире сэхьиблуьгъигьоре ве э кор венгесде верзуьшире жофокеширеи хундегоргьоре.

Ф.Щукин огол зери министерствегьоре желди веровунде фегьмсохи гъозиере, эри чуь жигеие корсохгьо дануьсде веровунде хуьшдере э ватан.