Э зир рэхьберисохи жигегире серворе Догъисту Фёдоре Щукине ве жигегире министре энергетике Уруссиете Петра Конюшенко пуьруьш сохди э гуьнжо овурдеи энерго э фурух дореие корисохире э республике ве екейгегьо регионгьо СКФО.

Вокурде гуьрдлемере, Ф. Щукин согъбоши гуфдиреи Министерстве энергетикере Уруссиетие Федераци э песой тигъэти эки пуьрсуьшгьо параменди энергетически гуьрдномере.

«Имбурузине омореи эн ишму, гировундеи гуьрдлемере ве рафдеи э четиние объектгьо гьисди эри эн иму вожиблуье гъиметлуьи, чуьнки пуьрсуьшгьо гъоимгъувотлуье энергодореигьо бесде оморе э хуб зиндегуниревоз могьлугъе ве пуледореие э хуьшде вогосундеи регионе»,- руй бири у эки жигегир министре.

Э бирмундеиревоз э бинелуье пуьрсуьшевоз бирмунди П.Конюшенко. У мэгIлуьм сохди, чуьки э Догъисту эз 1-муьн июль кор мисоху тозе энерго э фурух дореие компание – чуькле бедел «Ставропольэнергосбыте». У мибу еклуье энерго фурух дореие идореревоз эри гьеммей Софуне Кавказе.

Жигегир министре энергетике Уруссиете бирмунди, чуьки пуьрсуьшгьо параменди энергетически иловле Догъистуре гьисди э жирелуье фегьмсохи хьуькуьме ве полпредстве Серворе э СКФО. Гьемме гъобул сохди гъэрорномегьоре фуьрсоре оморе э имидие ве хубе энергодореи хэржисохдегоргьоре.

«Гьемме корсохгьо э фурух дореие идорере, комики гьейсэгIэт кор сохдени, мибу гировунде э тозе компани. Тозе идоре э гуьнжо овурде мидану хубте биреи гъуллугъсохире, дешендеи гъэдерлуье ве руй-бе-руйлуье жирегьо. Э сер эну «Россети Софуние Кавказе» мибу кучмиш бире э зевер сохдеи имидлуьире ве хубе овурдеи электроэнергиере, веровундеи гьемме технически корисохигьоре э сер тозеден э хуьшде дировундеи ве тозе сохдеи э электроэнергетически гуьрдноме республике», — гуфдири бирмундегор.

У риз кешири – гьемме гье у гьишдени барасилуь рафде расире бинелуье везифере – имидлуье ве хубе энергодореи республикере.

Сервор «Россети Софуние Кавказе» Роман Левченко гуфдири ведибиреи э фурухрафдеие компани мибу лап хубе корисохиревоз: «Эри иму кор ёгъине гъэрхундие овурде расундегоре нешинохи – иму э суьфдеи нубот бесдеие компание. Ведибиреи корсохгьо, комикигьо кор мисоху э жейлее фурухдеи, гьишдени имуре кучмиш бире э бинелуье жире корисохире – эз е ло э де лойге бердеи».

У гьемчуьн э ёр овурди, чуьки э Догъисту ториихлуь вечире омори омборе четинигьо э имидлуьиревоз энергодореиревоз. Сервор боворини дори: корсохгьо миду тозе идорере келе кумекии: «Ве угьо, ве иму мерегълуьи э артлуье бараси – эри чуь сэхьиблугъи хубте бире ве вегуьрде тозе е гъэдер вэгэдо параменди». Гьемме э гуьнжо овурдеие корисохигьо везифе нори бегьем сохде эки 1-муьн июль.

Жигегир суьфдеи вице-премьере республике Манвел Мажонц гуфдири: «Э имбурузине руз э песой ведешендеи эз жерге регионгьо СКФО э гьеммей вилеет кор э фурухрафдеи ве энергодореи бэхш сохде омори.

Гье у сохде омори э хьисобсохиревоз мерэгъгьоревоз хэржисохдегоре – зевер сохде хубе гъуллугъсохире».

Э гофгьой энуревоз, веди бире дуь сенигIэткорлуье возирегоргьо: «Россети Дагэнерго» кура бире э параменди тургьоре ве пуледореигьо, оммо э фурухрафдеие идоре мибу «вожиблуье жэгIмет экономике» — эз угьо миёв пулгьо э гъэрорноме четинигьо регионе. Жигегир зампреде гоф дори сохде гьеммере, эри чуь хэржисохдегор вегуьрде варасирение квитанцигьо ве хубе жире муьзде дореи.

«Иму мисохим гьемме зиёдгъувотлуьигьоре, эри чуь чуьтам гIэмел миёв зуте рафде расире ижире бирмундеигьоре, комикигьо мибу гьис сохде эри хэржисохдегоргьо эн иму»,- гуфдири у.

Ф.Щукин, гировунде артире, риз кешири: гъэрорноме лап дузи , уре бегьем те эхир кумекии доре рэхьбергьо республике.

«Войге э гьеммееки екини – гьеммишеи энергодореи хэржисохдегоргьой Догъистуре. Гьемме сохде оморе э мерэгъгьо одомигьо. Хьуькуьм республике пуьрсуьшгьоре, комикигьо пуьруьш сохде омори имбуруз, мивегину э гьеммишеи фегьмсохи. Энергетике – бине зигьисдеи жэгIмет эн иму ве экономике эн иму»,- гуфдири у.