Веровундегор гъэрхундигьой вице-премьере Ризван Газимагомедов гьееки э веровундегор гъэрхундигьой министре эн рэгъэмлуье параменди РД э Юрий Гамзатовоз бэхш вегуьрденуьт э келе конференцие э товун рэгъэмлуье дегиш сохдеи бинелуье секторгьой корхонегьоре «ЦИПР-2026», комики гирошдени 18-муьн-21муьн май э Нижни Новгород.
Гьер сал конференцие гуьрд сохдени е ченд гьозор бэхшвегиргьоре эз Уруссиет ве эз де вилеетигегьо – нушудорегоргьой эн келе ве миенее бизнесе, хуькуьметлуье идорегьоре, пушобере хогьишидорегоргьоре, гуьнжуьндегоргьоре, комигьоки гъэрор сохденуьт везифегьой эн технологически парамендире ве михьтожсуьзире эз де вилеетигее программни расундеи.
Бинелуье гъосуьт эни сал – технологически дегиш сохдеи корхонегьоре:
Э жигей моле эз де вилеетиге овурдеи «гурунде» ПО, автомизировать сохдеи коргьоре ве дешенде ИИ э корхонегьо. Э гIэрегьой сессие эн корлуье программе бэхшвегиргьо пуьруьш сохденуьт синогъигьой зиед сохдеи уруссиетлуье э гуьнжоовурдеигьоре ве э кор венгесдеи угьоре.
Вожиблуье гъозие эн форум гIэдотлуь бири пленарни гуьрдлеме комиреки рэхьбери сохдебу Сернуьш Хьуькуьм эн Уруссиет Михаил Мишустин. Гъосуьт эн пленарни гуьрдлеме – «Сохде омори э Уруссиет: рэгъэмлуье дегиш сохдеи корхонегьоре».
«Иму эз дегиш сохдеи рафдигьо мэгIэрове мэхьсуьлгьоре гирошдейм эки желдлуье э кор венгесдеи молгьой хуьшдере. Вожиблуье дегишигьо – индустриальни меркезгьо эн хьуькуьмгьо, э гуьнжо овурде оморигьо э гьемме бинелуье сферегьо. Кор энугьо – ек сохде гьемме тапшуьрмишигьой эн дуьруьжде корхонегьоре ве вожиблуьи эн гуьнжуьндегоргьоре. Бараси эни кор – садгьо э кор венгесде оморигьо промышленни системегьо, комигьоки имбуруз рэхьбери сохденуьт э цехгьоревоз, э рэхьгьоревоз»,- гуфди М.Мишустин. Имисал э ЦИПР э хьисоб веноре омори эз 18,5 гъуногъгьо омбарте эз 40 вилеетгьо омбарте.
Э план гуьре денишире оморени ки э гIэрей корлуье программе гировунде миев 170 сессиегьо, расиренигьо э рэгъмлуь сохдеи жире-бе-жирее отрасльгьой экономикере ве кори сохдеи дуь э екиревоз э вилеетгьо-хьовиргьоревоз э гIэрейхэлгъие рынок.
