Э куьнди 50 куче мибу гъуьчсохде ве тозеден э хуьшде дировунде э Дербенд э и сал. Э товун эну эрзо нуьвуьсди сервор шегьере Ханлар Пашабеков.

Э гофгьой энуревоз, бедел объектгьо уже гьисди э кор. Э и сал везифе норе омори бегьем сохде тозеден э хуьшде дировунде кучегьоре Шеболдаеве, Кобякове, мэхьэлере Карле Марксе ве Аваин-булаге. Гьемчуьн сер мигиру тозеден э хуьшде дировундеи жергей кучегьоре э дегиширевоз инженерни тургьоре, э у гъэдер куче Прибрежная(Батманове), Таги-Заде, Пугине, Мире, Дьякове, гьемчуьн мэхьэлегьо Рзаеве, Гаджиеве ве Средний.

Эзуш бэгъэй, везифе норе омори тозеден э хуьшде дировундеи кучере Фабрични гьекки э куьнде гирошдеигьоревоз ве екбиреи кучегьоре Строительни ве Шеболдаеве, чуь мибу зофру сохде шелере э рэхьие тургьо э бинелуье бедел шегьере.

Э везифегьо э гирошденигьо сал гьемчуьн сер гуьрдеи дуьруьжде гъуьчсохи кучегьоре 345-й Догъистуние стрелкови дивизие, Гоголе, Мамедбекове, Транспортни, муьлке кучере Дрожжине – эз ерхе те асфальтобетонни корхоне, рэхьгьо эз проспекте Агасиеве те 18-муьн школе, гьемчуьн омборте 20 чуькле кучегьо э микрорайонгьо Аэропорт ве Аваин.

Ханлар Пашабеков риз кешири, чуьки, не денишире э келе доруние гъэдер уже гировунде оморе э песой песини салгьо рэхьие коргьо, Дербенде э пушо поисди зиёд сохде тозе сохдеи куче-рэхьие тургьоре.

«Вожиби фегьм сохдеи овхьолете гьемме рэхьгьоре, вечире угьоре ве дешенде гьемме шегьерие кучегьоре, комикигьо талаб сохде гъуьчсохире, комикигьо гьисди э программе. Имуре гереки варасире, э песой комини вэхд иму миданим овурде угьоре э гуьнжолуьи ве комини пуледореи э гье у вожиби, эри гуьнжуьнде омборесаллуье везифегьоре»,- риз кешири сервор Дербенде.

Гьемчуьн у бирмунди, чуьки гировундеи ижире доруние гъэдере коргьоре ёгъин мибе гьелелуьгеие зобуне овхьолете эри зигьисдегоргьо ве автомобилистгьо.

«Имид э варасиреи эз лой зигьисдегоргьо, чуьнки гьемме и коргьо сохде оморе эри хушхьоли хуьшдени дербендигьо»,- эрзо нуьвуьсди Ханлар Пашабеков.

Гьемчуьн сервор Дербенде Ханлар Пашабеков гъэдэгъэ зери гировунде фегьм сохдеи овхьолете гьемме шегьерие рэхьгьоре ве э гуьнжо овурде омборесалине везифе кем-кем гъуьчсохи кучегьоре.

Чуьтам бирмунди сервор шегьере, э песой песини салгьо э Дербенд гировунде омори келе доруние гъэдер рэхьие коргьоре, гене жергей объектгьо дешенде омори э везифегьо гирошденигьо сале. Гьееки э уревоз э шегьер мунди кучегьо, комикигьо талаб сохде гъуьчсохире ве тозеден э хуьшде дировундеире.

Вожиби фегьм сохдеи овхьолете гьемме рэхьгьоре, вечире угьоре ве дешенде гьемме шегьерие кучегьоре, комикигьо талаб сохде гъуьчсохире, э гуьнжуьсдеи программегьо. Имуре гереки варасире, э песой коми вэхд иму миданим овурде угьоре э гьунжолуьи ве комини пуледореи э гье у вожиби, эри гуьнжуьнде омборесалине везифегьо, — риз кешири Ханлар Пашабеков.