Овхьолет иловлеи э Догъисту ве Чечне берде омори эки четиние гъозие федеральни бинуши ижире гъэрорноме гъобул сохде омори хьуькуьмлуье комиссиревоз эсер зуте мэгIЛуьм сохдеи ве нисдсохи четиние гъозигьо ве овурде расундеи секонеисуьзире э зир сернуьширевоз серворе МЧС Уруссиете Александре Куренкове.
У гировунди гуьрдлемере э Догъисту, эже овхьолет иловлеи омборте четини.
Э республике сервор идорере хуьшдени ю рэхьбери сохде коргьоре нисдсохдеи эзуновлейге бире гъозиее бедире. У фегьм сохди батмиш бире районгьоре, жигегьоре гировундеи тозеден э хуьшде дировундеие коргьоре ве овхьолет иловлеи жиге дореи э беди офдорегоргьоре. Эзуновлейге бире гъозие бедигьо лап дуьруьжди: буланмиши кешири зигьисдение хунегьо ве соцобъектгьо, пуч бири коргьой энергетике, гIове ве газедореигьо, кем сохде омори жуьмуьсдеире э авто- ве гьовуние рэхьгьо, омборе зарали бири э агропромышленни комплесегьо.
Э товун овхьолет иловлеи ве гъобул сохдеие гъэдергьоре эсер хубте биреи уре ихдилот сохди серворгьо Республике Догъисту Сергей Меликов ве Чеченски Республике Рамзан Кадыров.
«Иму зиёд сохденим коргьоре э нисдсохи эзуновлейге бире гъозие бедире, комики бири э Догъисту. Э республике бегьеми гъэдер жигегьо гьелелуьгее зигьисдеи, эже э имбурузине руз гьисди экуьнди 500 одоми. Вокурде омори омборте 50 жигегьо вечиреи гуманитарни кумекиире. Хилоссохдегоргьо гьееки э зигьисдегоргьоревоз республике, волонтергьоревоз, э войгей хуьшде гуьрегьоревоз кор сохденуьт сенигIэткорлуь ве дусдлуь. Эз омборе могьлугълуье жигегьо ве хунегьо гIов кем биреи енебуге кура сохде омори. Гьееки э Роспотребнадзоревоз гировунде оморе корисохигьо э сер санитарни темиз сохдеи е гъэдер мескене»,- гуфдири С.Меликов.
Чуьтам бирмунди сервор Догъисту, энерго-, газе- ве гIоведореи тозеден э хуьшде дировунде омори. Берде оморе гьемчуьн кор эсер тозеден э хуьшде дировундеи транспортни инфраструктурере. Жейле э вэхд ю герек гьисдигьо мундени гъирогъе муьхькем сохдеие пуьрсуьшгьо эри гъэлхэнди хэсде могьлугълуье дигьгьо ве шегьергьо республике.
ГьейсэгIэт бинелуье зиёддгъувотлуьигьо бесде оморе э товун вирсохи хунегьоре, девлетгьоре ве моллуье бедхэржигьоре. Э гьемме муниципалитетгьо э шеви-рузие жире кор сохденуьт гъиметдиие муниципальни комиссигьо.
Хэбере эсер варасиреи ихдилот сохди нушудорегоргьо Росгидромете, Минтрансе, Минэнерго, Минсельхозе. Э гъэрорноме комиссие деберди фикире суьфдеи одомигьо Минприроде Александр Козлов ве Минстрое Ирек Фейзулин.
«Эри могьлугъгьо бортевоз МЧС Уруссиете уже овурде омори омборте омборте 20 тонн шишеие гIов. Эзуш бэгъэй, эз хьозуьр сохде оморе молгьо дори гермие пушкегьо, мотопомпгьо ве бнзопилгьо, комикигьо мибу э кор венгесде э корисохи хэребеие-тозеден э хуьшде дировундеие коргьо»,- мэглуьм сохди Александр Куренков.
Бэгъдовой фегьмсохдеи технически овхьолете хунегьоре э регионгьо э кор венгесде миёв везифегьо тозеден э хуьшде дировундеигьо вечаруьсдеие хунегьоре ве социально вожиблуье объектгьоре.
«Бинелуье везифе эн иму – кумекии доре одомигьоре, комикигьо буланмиши кешири э сереботи батмишигьо. Дуь эекиревоз э регионевоз, федеральни идорегьоревоз хьуькуьме ве фегьм сохдеи идорегьоревоз эсер барасигьо дениширеире э гуьнжо миёру нуботномегьоре хэребеигьоре ве вирсохие хунегьоре ве инфраструктурегьоре»,- бирмунди Ирек Фейзулин.
