Сергей меликов ве жигегир векилие нушудорегоре Серворе РФ ве СКФО Магомед Рамазанов гировунди зиёд фирегьсохие гуьржлеме региональни хьуькуьме эсер артигьо гуьрдлемере э зир рэхьбериревоз Серворе Уруссиете Владимире Путине.

Э везифе: веровундеи гъэдэгъэгьой Серворе РФ Владимире Путине, комики доре омори э гуьрдлеме 7-муьн апрель; кор э федеральни идорегьоревоз хьуькуьме эсер нисдсохи эзуновлейге бире гъозиегьоре четиние гъозие э республике; гъэдергьо, комикигьоре гъобул сохде оморе э бесдеи э зиёдгъэдерие туфон верфиревоз э жейлее районгьо Догъисту.

Э сереботи пушоте тэгIбир сохдеие воруш-верфигьо 9-14-муьн апрель сервор Догъисту гъэдэгъэ зери рэхьбергьоре муниципальни соводигьоре республике: овурде э зевербиреие хьозуьрлугъигьемме овгъотгьоре ЕДДС; хьозуьр бире эки нисдсохи гье белки эзуновлейге бире гъозиегьоре хушхьолесуьзе пушокие фикире; хьозуьр сохде герекие жигегьоре гьелелуьге зигьисдеи одомигьоре; фегьм сохде гьисдире хьозуьр сохдеие овгъ, отгьоре, комикигьо дешенде омори э бюджетгьо муниципалитетгьоре э овхьол гье белки ЧС; зиёд сохде коре эсер нисдсохи суьфдеире ве дуьимуьне батмиш биреигьоре.

Фегьмсохи э песой веровундеи гъэдэгъэгьоре веноре омори э профильни идорегьо хьуькуьме.

МЧС зиёд сохдеи нисдсохире эзуновлейге бире гъозиегьоре батмиш биреигьоре э Догъисту. Э товун эну коре гуфдири сервор Серворие рэхьберире МЧС Уруссиете э РД Муслим Девришбеков.

Зиёд сохдеи коре хуьшг сохдеи эз гIов жигегьоре, эри эну овурде омори омборте 340 сенигIэткоргьоре, мотоломпгьоре. Хэребеи биригьо э сереботи батмишигьо энергоовурдеигьо тозеден э хуьшде дировунди бегьем э гьемме могьлугълуье жигегьо, э жергей шегьергьо ве

районгьо э гуьнжо овурди овурдеи гIове.

Тозеден э хуьшде дировундеие коргьо э рэхьгьо зиёд сохде оморе.

Буланмиши кешири гьозоргьо хьэйвуй хунеигьо. Э Дербендски районе э зир батмиши дарафди омборе гъэдер онгурбогъгьо.

Дануьсде омори войне кура биреи ве тигьи биреи гIове: эз лой Цумадински базаре сэхд сохде омори коллекторгьо, эри гIов не рафде эз проспекте Акушински э Цумадински базар.

Э гъэрорномеревоз корисохие десдере коллекторгьо мибу темиз сохде, чуь гьишде эз жерге вегуьрде вогогьрушие батмиш биреигьо е гъэдер мескене.

Э гъэдэгъэи зереиревоз С.Меликове э объект огол зере омори сенигIэткоргьо эсер фегьмсохдеи вокурдеигьоре, чуьнки гьисди секонеи дегишибиреи хоригьоре. Мибу сохде гьемме минкинигьоре, эри дошде вокурдеигьоре, оммо артлуье гъэрорноме мибу гъобул сохде бэгъдовой фегьмсохдеи угьоре. Эз вэхд зуте мэгIлуьмети э гъиметдии минкинигьоре тозеден э хуьшде дировундеие хунегьоре шинох мисоху 14-муьн апрель.

Э Догъисту муьхькем сохдеи гъирогъгьоре ве гировунде темиз сохдеи нуькерегьоре Черкей-Озень, Тарнаирка, Акташ, Ярык-Су ве Уллучай. Э кор венгесде омори е ченд дегьигьо ек жейлее технике.

Чуьтам мэгIлуьм сохди рэхьбер Минприроде республике Ратмир Расулов, гъуллугъсохигьо министерстве кор сохденуьт э зиёдтие гъувот доре оморее жире, эри не гьишдеи параменди четиние гъозиегьоре.

Э куьнде рузгьо э жейлее районгьо гье белки ворушгьо ве кулок те 22 метргьо э секунде.

СенигIэткоргьо министерстве фегьм сохде овхьолете нуькерегьоре э могьлугълуье жигегьо, комикигьо офдори э жейлее чапарлуье мескен гье белки батмишигьо.

Э куьндлуье вэхд мибу сер гуьрде коре э дореи пуллуье кумекии буланмиши кеширегоргьоре эз ЧС, комикигьо нисе гъисмет биреи э зир компенсационни муьзде дореигьо эз хьуькуьм, мэгIлуьм сохди сервор Догъисту.

Э гьейсегIэтине вэхд пуле вечиреигьо эри буланмиши кеширегоргьо эз батмишигьо берде оморе фондгьоревоз «Инсан», «Имиди» ве «Темизе дуьл». Э платформе Tooba вечире омори омборте 440 млн монет, гъэдере, комикире мэгIлуьм сохде омори эки вечиреи – 600 млн монет.

«Фегьм сохде коргьоре гереки гьер руз»,- гуфдири Сергей Меликов э товун гъозие э догъие Кулински, Агульски ве Докузпарински районгьо, эже веровунде коргьоре э эзуновлейге бире гъозиеревоз зиёдгъэдерие туфон верфигьоревоз.

Э товун гирошденигьо овхьолет иловлеи ве гъобул сохдение гъэдергьоре гуфдири серворгьо гье у муниципалитетгьоре.

Кулински район

Электроовурдеи ве бесдеи тозеден э хуьшде дировунде омори. Гъурбунигьо нисди, оммо буланмиши кеширегоргьо эз четиние жигегьо бири гировундеэ де мескениге вертолетовоз МЧС. Гереклуьи э гуманитарни кумекии нисди.

Гьееки э уревоз эз гурунди верфе хуьрд-хасде бири бун школе э дигь Кули, гьемчуьн буланмиши кешири бунгьо экуьнди 70 хунегьо. Рафде темиз сохдеи эз верф, э у гъэдер ве республикански муьлке рэхье, эже гьисди гъозигьо хори лов бире фурамореигьо, хьисоб сохде оморе бедхэржигьо.

Агульски район

Е могьлугъе жиге мунди транспортнисуьзе мэгIлуьмети ве гене еки – электроовурдеисуьз. Энергетикгьо нисе дануьсде овурде расунде дореи электроэнергигьоре, тейте нисе вокурде оморе рэхье эри технике. Гъурбунигьо ве четине нечогъгьо э гъэд могьлугъгьо нисди. Гьемме гъувотгьо ве овгъотгьо э кор венгесде омори, технике кор сохдени. Сервор регионе боворини дори, чуьки те эхир руз мибу овурде расундеи ве транспортни мэгIлуьмети, ве электродореи.

Докузпарински район

Жуьмуьсдеи э муьлк республикански рэхье Магарамкент – Ахты – Рутул бегьем тозеден э хуьшде дировунде омори. Эз дигьине руз гене хэребеие муьлкгьо рэхьбергьоревоз Дагавтодоре фуьрсоре омори 7 ек технике, берде оморе коре эсер темиз сохдеи рэхьгьоре ве э де лойге ведебердеи гIове.

Электродореи, газедореи ве гIоведореи э дигьбоние жигегьо районе нисе гъонуне пузмиш сохде оморе. Мобильни бесдеи ве интернет гьисди э гьемме дигьгьо. Берде оморе кор эсер фегьм сохдеи жейлее беделе ве винире оморенигьо мэгIлуьмети э товун буланмиши кеширегоргьоре эри нореи моллуье бдхэржире. Эсер эз вэхд зутее мэгIлуьметигьо, батмиш бири 25 хунегьо э дигьбоние жигегьо. Бинелуье бедхэржи беди овурди зигьисдегоргьоре дигье Авадан. ГьейсэгIэт унжо кор сохде комиссие.

Гьуьндуьре догъие дигь Куруш

Э пуьрсуьш Сергее Меликове э товун гьисдигьо гъозие э Куруше – лап гьуьндуьредогъие могьлугълуье жиге – рэхьбер Докузпарински районе Магомед Шамилов жугьоб дори, чуьки электродореи, бесдеи ве интернет унжо гьисди, оммо рэхьие мэгIлуьмети гьеле нисди. «Эки эхир руз темиз сохдеи мибу бегьем сохде ве транспортни мэгIлуьмети э дигьевоз мибу тозеден э хуьшде дировунде.

Унжо омори верф омборте е метре. Э гирошденигьо вэхд технике мунди эри темиз сохде эз верф экуьнди 2 километргьо рэхье»,- бирмунди у.

Сервор Догъисту гъэдэгъэ зери Дагавтодоре гировунде фегьмсохи техникере ве э кор венгесде уре э догъие районгьо. «Руьхшенди сохдеи гоьеле гьичиш нисди. Оммо фегьм сохде коргьоре гереки гьер руз. Хосденуьм хьозуьр сохде гъуллугъсохие нуьвуьсдеи э гьемме се районгьо ве фуьрсоре э разименди сернуьше хьуькуьме эри песдеине гъэрорномегьо»,- гуфдири Сергей Меликов.