Сервор РД Сергей Меликов гировунди гуьрдлеме эсер нореи везифегьоре э март.Мегь сер гуьрди эз пуьруьшсохи веровундеигьоре э республике дуьруьжде социальни проектгьоре, э у гъэдер вокурдеи гIоведореире «Чиркей–Махачкала–Каспийск» ве темиз сохдеие вокурдеигьо. Э суьфдеи орине мигирору динлуье гьермегьине гуьрдлеме оперштабе, э комики фегьм мисоху э вэхд ю герек гьисдигьо эри регионе пуьрсуьшгьоре.
Э пушой ГIэрейхэлгъие зенуне рузе сервор республике мигировуну межлуьслуье межлуьсе дореи э гIуьзете овхьолет хьуькуьмлуье бэхшгьоре. Параменд бире гьеммишеине вохурдеигьо Сергее Меликове э гъовумгьоревоз лешгеригьоре.
Жирелуье тигъэти мибу доре параменди агропромышленни беделе: э гуьрдлемегьо э рэхьбергьоревоз профильни идорегьо пуьруьш мисоху гIэрее артигьоре васалие зимиие коргьоре ве веровундеи инвестпроектгьоре.
Сергей Меликов везифе нори сер кешире Догъистуние колледже машиностроение ве гъуллугъсохире. У вохурди э хундегоргьоревоз ве тербиедорегоргьоревоз ве пуьруьш мисоху имидигьоре параменди идорере.
Пуьрсуьшгьо параменди футболе пуьруьш мисоху э гуьрдлеме гъэйгъукешие несиете футбольни десдере «Динамо». Бэхшвегиргьо фегьм мисоху коре э гъэлхэндчигьоревоз, артигьо зуте хьозуьр сохдеие гуьрдбиреигьоре ве екейгегьо э вэхд ю герек гьисдигьо гъосуьтгьоре.
Э нуботлуье мегь мигирору гуьрдлемегьо комиссигьо эсер гъэршуй кори сохдеи рушвохурире, эсер зуте мэгIлуьм сохдеи ве нисдсохи жейлее гъозигьо, гьемчуьн э Гъэршуй бэдхэтокорлуье комитете.
Вожиблуье корисохи мибу э Дербенд – бэгъдовой тозе сохдеи э шегьер мивокуну Азербайджански томошере.
Э рэхьберисохие несиете эсер параменди шегьерие жейлее чапарлуье мескене фегьм мисоху проектгьоре э Махачкале, Каспийске, Буйнакске ве Догъистуние Огни. Э жейлее гуьрдлемегьо пуьруьш мисоху пуьрсуьшгьо оголзереире, параменди моле э де вилеетиге бердеие минкинире, вокурдеи тозеден э хуьшде дировундеие бинере эри лешгеригьо ве дореи секонеисуьзире э рэхьгьо.
Э музее «Уруссиет – торих эн мени» вокурде миёв бирмундеи «Эрхэ игидгьо». Э эхир мегь мигирору III Гуьрдлеме бэхшвегиргьо СВО «Игидгьо вэхд эн иму».
