Экуьнди 1,5 гьозор хунегьо э Догъисту газе мигировуну э сер серворие программе э 2026-муьн сал.
Э Республике Догъисту зиёд сохде веровундеире серворие программегьоре тегазегировундеире.
Э имбурузине руз эз зигьисдегоргьо регионе гъобул сохде омори экуьнди 14 гьозор эрзо нуьвуьсде омори э пулсуьзе дешендеи эки газови тургьо, эз комики уже веровунде омори омборте 9,4 гьозор.
Э 2026-муьн сал везифе нори гировунде газови тургьоре те сэрхъэд хориие муьлкгьоре гене эки 1,5 гьозор хунегьо. Коргьо гировунде оморе евошлей ве э хьисобсохиревоз э тогIин сохдеиревоз нуботгьоревоз.
Серворие программе тегазегировундеи гьишде зигьисдегоргьоре жейлее беделе пулсуьз ек биреи эки газетел, чуь омбор зофру сохде хэржилугъигьоре э гермидореи, зевер сохде гъэдер хубе зиндегунире могьлугъе.
Веровундеи программере гьисди э гьеммишеине фегьмсохи сенигIэткорлуье идорегьоре хьуькуьме ве зиёд сохде э гьемме муниципальни соводигьо республике.
