Э 2025-муьн сал Республике Догъисту бегьем сохди нуботлуье е гъэдер вэгIэдо веровундеи хьуькуьмлуье программе еклуье параменди шегьере Дербенде.

Э гирошдигьо сал э гье у везифегьо фуьрсоре омори эки 3,9 млрд монет, эз комикигьо омборте 2,8 млрд монет гуьнжуьнде овгъотгьо федеральни бюджете. Пуледореигьо гьишди веровунде жергеи вожиблуье проектгьоре, комикигьо фуьрсоре омори э хубте биреи инфраструктурере, социальни иловлере ве культурни ведини екире эз гъэдимие шегьергьо Уруссиете.

Хьуькуьмлуье программе «Еклуье жигеие параменди муниципальни соводире «шегьерие жиге «шегьер Дербенд» фуьрсоре оморе э гуьнжолуьи гьеймогьоине шегьерие иловле э сер дошдеи жирелуье торихие миросире. Э 2025-муьн сал федеральни овгъотгьо ниет сохде эри вокурдеи тозе гъэлечере спорте, школе э 1224 жиге, пенж бохчегьой гIэили, гIовебердеи «Кайтаг-Дербенд» ве гьеймогоине гъирогъие мескен.

Э сер арти мэгIлуьм сохдеие вэхд э Дербенд бегьем сохде омори коргьо э нуботлуье объектгьо:

— гуьнжолуьи жэгIметие иловлере-бохчере «Патриот». Э гуьнжо овурде омори гьеймогоине жэгIметие иловле, комики мибу бинеревоз лешгерие-ватанхогьие тербие дореие жовонгьоре ве дошдеи торихие ёре;

— вокурдеи канализационни-насосни жигере (КНС) «Мамедбекове». Кучере фуьрсоре э зевер биреи барасилуьи ве имидие шегьерие инженерни жирей корисохи;

— дуьруьжде гъуьчсохи «Дербендски школе-интернате №2». Гировунде омори тозе сохдеи вокурдеире ве тозе сохдеи материально-технически бинере идорере эри хубте сохдеи овхьолете дананидореире ве тербие дореире гIэилгьоре;

— дуьруьжде гъуьчсохи хьуькуьмлуье хунере «Жовоние бине». Э гуьнжо овурди иловлере эри коре э жовонгьоревоз, параменди гуьнжуьнде оморе чигьоре ве социальни войгегьоре;

— тозеден вокурдеи Азербайджански драматически томошере. Тозе сохде омори инфраструктуре екире эз вожиблуье культурни идорегьоре шегьере, чуь гьишде дошде ве параменди сохде дингьоре миллетлуье томошеие мэгIрифете.