Сернуьш Хьуькуьме Догъисту Абдулмуслим Абдулмуслимов гировунди гуьрдлеме э сер пуьрсуьшгьо веровундеи везифегьоре эсер дореи хуреклуье секонеисуьзи ве овхьолете нунбуьржуьндеие корхонегьо э республике.
Премьер-министр э ёр овурди, чуьки Буйругъевоз Серворе РФ Владимире Путине э вилеет тогIин сохде омори Хундеи хуреклуье секонеисуьзи Уруссиетие Федерацие.
Зурие везифе эну – дореи могьлугъ вилеете секонесуьзе, хубе ве асантие хоригъуллугъсохие молгьоре, хоме молевоз ве хуреклуьиревоз э доруние гъэдергьоревоз, комики дорени берекетлуье гъэдере хэржисохи хуреклуье моле. Хоригъуллугъсохие бедел Догъистуре сэхьиб бире дуьруьжде минкиниревоз, э товун чуь шогьди доре вероморение доруние гъэдергьо молведешендеие молгьо хозяйствой дигьбони.
Э гъэд вожиблуье везифегьо эри хоригъуллугъсохие гуьрдноме сервор кабмине регионе нори зевербиреи хуби ве хьовуе божеренемэгIрифет молгьоре, гьемчуьн параменди ве зиёд фирегьсохи вихдеи энуре э бине зиёд гъувотдии фурухдение корисохире.
Абдулмуслим Абдулмуслимов риз кешири, чуьки хурекгьо хурекхурире, комикигьо э гуьнжо овурде оморе э республике, биё жугьоб доре бинелуье гъиметдии хубире – экологически секонеисуьзи. Премьер бирмунди, чуьки гуфдире э товун барасигьо, вожиблуь гьемчуьн гуфдире ве э товун четинигьой корхонере. Э гофгьой премьер-министревоз регионе, имбуруз корхонегьо хурекхурире э республике пес мунди эз гьисдигьо гереклуьи могьлугъе, чуьки берде эки вес нисди доруние хуреклуье фурухдени хурекевоз сэхьибие корхонегьоре. Республике вегуьрди суьфдеи жигегьо эсер молеведешендеи хьэвуьжгьоре, оммо э дегиши сохде оморе энжэгъ е гъэдер процент бегьере.
«Э хьисобсохиревоз гьеймогьоине дуьньёгьие оголзереигьо, э комикигьоревоз дуь э еки офдоре вилеет эн иму, гьиметдии ве жиге хозяйствой дигьбони омбор зевер бире. Гъувотсуьзе моллуье-технически бине омборе идорегьо хуреклуье ве дегишие промышленности ве парамендсуьзлуье инфраструктуре дошдеи, бердеи ве хинике тозе дегишигьо э и зуригьо пучи биренигьо хоме мол ве хурекгьо нисе гьишде гьееки дегиши сохде эз бине вегуьрде оморе хоме моле ве э гуьнжо овурде хубе иловлере эри дошдеи»,- бирмунди Сернуьш Хьуькуьме РД.
